Myitkyina khua, Maw Faung khua Kachin Baptist Church pakhat cu April 5 zaan nazi 10 hrawng ah kawl ralkap pawl nih an luh hnawh hna in dothlat nak an tuah tiah theih asi.

Ralkap motor pa 2 khat tein kawl ralkap pawl an rak phan i nazi cheu hrawng thil pawl an hlai an kawl dih tiah biakinn lei ṭuanvo ngeitu pakhat nih a chim. “Biakinn hmun chung ah ralkap motor pa 2 khat in a rak ra i an kan kulh. Cun innka cawng tu pawl kha bia an hal hna. Hi chung ah mizei dah an um tiah an hal, ṭuanvo kan ngeih caah kan rak hlat mi asi” tiin an chim tiah theih asi.

April 3 ni zong ah Moenyin khua um Baptist Church pakhat, Catholic Church pakhat le Anglican Church pakhat ah an luh hnawh hna i lakhurak in hlathlainak an tuah tiah biakinn lei ṭuanvo ngeitu pawl sin in theih asi. A luan cia mi March 13 zaan nazi 10 hrawng zong ah kawl ralkap pawl cu ralkap motor 10 in Kachin Theology Christian School-KTSC hmun chung ah rak lut in dothlat nak an rak tuah bal cang tiah theih asi.

Mipi nih thim mi cozah sin in ningcang lo uknak chut tu Kawl ralkap cu February thla 2 ni ah khan Christian bukip telh mi Myitkyina Christian Council cu ton biaruah nak an tuah i thahrum in uknak lak mi kongkau chim fiang nak a rak tuah. Sihmanhsehlaw, cu thahrum in uknak lak mi cung ah mipi duhlonak langhter nak pawl ah cu Khrihfa bukip fonh pawl zong biatak tein an cawlcang ve ṭhiam ṭhiam ko._Ref:Kachin News

LEAVE A REPLY

Please enter your comment!
Please enter your name here