KOI hmun hram bunhnak Laiza pawng Dawthponeyan peng um Alaw Bum ah Kawl ralkap nih hmun hma lak nak cu KIA nih an ṭhiam hna tiah theih a si. Wynemaw peng chung um KIA Battalion No. 3 hmun cu Kawl ralkap nih an rak kah ruang ah Dawthponeyan peng chung um raldohnak ah biapi nak hmun asi mi Alaw Bum cu kan va kah ve mi asi tiah Col. Naw Bu nih a chim.


Kan ralkap pawl umnak hmun ah an kan kah, Sadung hmun um KIA Battalion No. 3 lei zong hriamnam ngan in an kan kah, ralzaam pawl umnak lei zong an kan kah. Cu ruang ah kan mah lei zong nih kan kah ve nak asi tiah Col. Naw Bu nih cun a chim chap. Myitkyina-Bamaw lam cung Alaw Bum le a dang ralkap hmun pawl cu KIA nih March 24 zaanlei thok khan raltuk nak a thok i zaan nazi 10 hrawng ah Kawl ralkap umnak hmun pawl cu an lak kho i zinglei nazi 4 hrawng ah cun an ṭhiam kho dih hna tiah theih asi.

Alaw Bum cu KIO hram bunhnak hmun Brigade No. 5 hmun chung um asi i raltuk nak lei caah a biapi ngai mi hmun asi leng ah kha hlan mirang ral chan tein rak sak mi Helicopter ṭum khonak hmun zong aum tiah theih asi. Hi hmun hi 1990 KIA le kawl ralkap an rak i tuk lio caan ah khan kawl ralkap lei nih an rak lak kho mi hmun asi tiah Col. Naw Bu sin in theih asi.

Kachin ram chung ah raltuk nak a tam deuh chin kho mi asi nain ruru hrang hrang in uknak la tu Kawl ralkap thawngthanh mi bantuk thil kha cu KIO nih a tuah lai lo i mipi lei zong nih thawngpang theih tik ah ṭha tein dothlat hmasa ding asi tiah a chim chap. Raltuk nak a zual chin kho mi asi caah KIO hram bunhnak hmun um ralzam pawl zong nih bunkers ser le himnak hmun khur ding timhtuahnak an ngei tiah theih asi._Ref: Kachin News

LEAVE A REPLY

Please enter your comment!
Please enter your name here