Ralkap uknak cu ramdang pawl he fonh in an hram kan hrawh lai tiah KNU Brigade No.5 nih March 5 ah khan thawngthanhnak a tuah. Rem le dai in duhlonak a langhter tu mipi pawl ning cang lo in thah le kah an tuah peng ah cun humhimnak caah kan tuah lai tiah theih asi.

Kawl ralkap nih miphun ngan thinlung put he ralkap uknak an tuah mi cu tlangcung miphun pawl caah thil har ngai asi ruang ah ramchun mip, tlangcung hriamtlai bu pawl he tiah ramdang he fonh in kan doh hna ding asi tiah cu thawngthanhnak cun aa tel. KNU cu ralkap nih thahrum in uknak a lak mi cung ah duhlonak a langhter tu tlangcung hriamtlai bu ngan asi lawng si lo in kawl ralkap lei in a rak tli mi pawl zong an cohlan hna tiah theih asi.

Karen ram chung ah ralkap duhlonak a langhter tu mipi cu KNU lei nih humhimnak ṭuanvo a lak piak hna leng ah February 26 mipi lamzawhnak ṭhen nak in KNU hmun chung a rak lut mi Kawl ralkap (Major rank pakhat telh in) pa 3 cu an kah hna tiah theih asi.

Copyright Radio Free Asia #WeNeedR2PInMyanmar

LEAVE A REPLY

Please enter your comment!
Please enter your name here