Karen ramkulh, Kawkareit peng ah KNU le Kawl ralkap karlak i kah nak aum. KNU lei thawngthanh nih in cun Kawl ralkap leiin a thimi zong an um len tiah theih a si. KNU Joint Secretary-2 Padoh Saw Hla Tun nih “nizaan Duplaya Duplaya Peng, Brigade 6 lei ah an i kah hi asi. Kawl ralkap lei a thi a lo an um tiah theih asi” tiin a chim.

Ralkap uknak duhlonak cu hmunkip ah langhter cio si bantukin Karen ramkulh KNU uknak hmun pawl ahcun KNU ralkap pawl nih runvennak an tuah piak hna. Kan hmunhma ahcun mipi pawl caah a herh ning um runvennak kan tuah piak hna tiah Padoh Saw Hla Tun nih cun a chim.

Brigade 6 hmun ah hin kawl ralkap le KNU i khah nak a chuak peng tawn nak hmun asi i a ruang bik cu Kawl ralkap nih hmunhma ri khiah mi an lonh caah a si deuh tawn tiah a chim chap. “Atu lio caan cu kawl ralkap nih uknak thahrum in an lak lio caan asi. Mipi zong nih duuhlonak an langhter cuahmah. Cu caah tanglei chawh vah tik zongah khat le khat thawngthanhnak tuah cia a hau. Kap hnih lungtling asi hmasa a herh. Cu lo ahcun i kah sual nak a chuak peng tawn” tiah Padoh Saw Hla Tun nih cun a chim.

February 28 ni ah khan Myawady khua, Karen ramkulh chungah ralkap uknak duhlonak a langhter tu pawl tlaih an tong i cu hna pawl luat ter ṭhan ding kong he pehtlai in KNU le Police lak kar ah buainak a chuak tiah theih asi. KNU lei nih cun KNU uknak hmun hma chung mipi pawl kongkau lawngah kan i thlak mi asi tiah bialehnak an tuah. Ref: VOA News

LEAVE A REPLY

Please enter your comment!
Please enter your name here