Thantlang khua lut kholo in Mai Sui Hlei Tial thihlonak le an chungkhar nih an tuar mi kong cu US ram um CBCUSA NUBU nih chungkhar hna kan in tuarpi hna i nan ngaihchiatnak kan in hrawmhpi hna ti nak ah US dollar $1000 bulhnak an pek tiah an facebook page ah an langhter.

A tanglei bang in: “Tuarpinak le Bulhnak:Leng Sui Hlei Tial nih a kan liamtak kong he pehtlai in CBCUSA NUBU hna cu kan ngaih a chia i Ngaihchiatnak tuarmi chungkhar hna kan in tuarpi hringhran hna. CBCUSA NUBU nih Kan ngaihchiatnak tuarpinak langhter nak ah $1000 Cung Hu Blood Bank sin in kan van in kuat hna. Nan ngaihchiatnak mithlitlaknak vialte Bawipa nih tuar khawhnak thazang thar in pe ko hna seh law thluachuahnak he lam in hruai ko hna seh ti hi CBCUSA NUBU hna kan thlacamnak a si.”

A tulio an hruaitu President cu Sayamah Biak Tha Hnem si i women director ah Rev. Sui Hliang cun treasure ah Pi Ngun Neih Sung asi. Kum thumdan ah North America Women traning zong a voi 5 nak tiang an tuah bal cang tiah kan theih.

LEAVE A REPLY

Please enter your comment!
Please enter your name here