Hmawngtlang khuami nih Pu Hre Mang cauk cu ningcanglo in suallam an lakpiak lengmang caah a fapa Pu John Sui Hnin nih:1. Ka pa cauk nih ṭial duhmi le tinhmi cu lo-nga peknak kong a si tiah (June 07, 2020) ah fianhternak a tuah.2. Ka pa cauk chuahmi he pehtlai in hi hnu bia le thang chuak rih aikun keimah nih ṭuanvo ka lak lai tiah ‘Facebook’ cahmai in a rak langhter.Pu Hre Mang cauk cu Leitak ram ah Hmawngtlang khuami nih kum fatin ram ngeitu sin ah longa an pek lengmang nak hmunhma pawl kha sawh le fianhter duh in ṭialmi tu a si, Hmawngtlang khuami nih ‘ram an kan pekmi a si’ tiah an chimmi hi an theihsual (caṭialtu a duhnak an kheng lo) bia a si caah hi cauk hmang in theihsualnak tuah ti lo dingah langhter kan duh.Leitak ram kong ah ṭuanvo lianpi ngeimi tefa an si zong kha khuami an kan hngalhter ṭhan tiah kan ruah. Mahbelte, cu ca a rak thlahmi kha micheu nih kan rak hmu colh ngelcel lo i CCN he ton biaruah lio ah tlamtling in chimchih nak kan rak ngei kho lo. Ruahzia kan thiampiak sawh uh. Acunglei Pu Hre Mang cauk he pehtlai in ningcang loin a suallam lakpiaknak he pehtlai in ṭuanvo latu a fapa John Sui Hnin le chungkhar cungah kan ilawm tiah nolh le langhter kan duh ṭhan rih.Pu Hre Mang cauk fianternnakKan bia a ngaitu le a theitu nu le pa hawikawm hna, nai CCN he interview an kan tuahmi – Leitak kan ramri kong chimfiannak kan ngeihmi ah Pu Hre Mang cauk he pehtlaih in chimrelnak le hrihfilnak tlawmpal kan ngei. Hmawngtlang nih atu le tu Pu Hre Mang cauk an rak chuahpi lengmang caah cu ti ka chimnak le Hmawngtlang khuami Pu Phu Ling a chimbia mi kha dengteo in kan lehnak mi a si.Mah cauk kong ah khan a fapa John Sui Hnin nih ṭuanvo ka lak lai tiah ‘Facebook’ ah a rak thlah cangmi kha, kan rak hmuh ngelcel lo caah a si. Hi hnu ah mah cauk kong he a pehtlaimi chimrelnak a um ahcun John Sui Hnin nih ṭuanvo lakding a si timi kha nan zapi sin ah fianter ṭhan kan duh ko. Bawipa tu nih damnak le hnangamnak in pe ko hna seh!

Tawidorhnak he,

Leitak Network Global (LNG) July 29,2020

LEAVE A REPLY

Please enter your comment!
Please enter your name here