Myanmar ram ah Covid-19 zawtnak khamh le ralrinnak rian pawl caah US cozah nih dollars 3,000,000 cu bawmhnak a pekchap lai tiah US Embassy nih thawng a thanh. Cu caah a luancia mi February thla thok khan Myanmar ram caah Covid-19 zawtnak he pehtlai mi bamwhnak zapi hi USD 16,500,000 asi cang.


Atu pekchap mi bawmhnak pawl cu USAID nih pek mi asi i hartong fawi mipi le ral ruang ah harsatnak a ingtu mipi kar ah zawtnak a karh lo nak ding ruahchan in minung le minung zawnruahnak in pek mi bawmhnak asi tiah an ti.


US nih hi bawmhnak cu Myanmar ram um mipi pawl nunnak khamh khonak ding caah pek mi asi i Myanmar ram caah US cozah nih pek mi Covid-19 bawmhnak hi 16,500,000 hrawng asi cang, ram pum huap in ngandamnak lei ah ṭhancho ding timi ruahchan in caan sau rianṭuan ding mi thazaang chapnak asi, hi bawmhnak pawl cu ral a tho nak hmun um mipi pawl tel in ram kip i minung tampi caah pek asi lai tiah US Embassy lubik ṭuanvo la chung tu George Sibely nih a chim.


Atu pek mi bamwhnak cu ngandamnak caah USD 176,000,000 tel in a luan cia mi kum 20 chung Myanmar ram caah caan sau bawmhnak pawl zapi fonh USD 1.3 billion leng in Covid-19 zawtnak dohnak caah pek chap mi asi tiah George Sibley nih a chim.

Ref: VOA

LEAVE A REPLY

Please enter your comment!
Please enter your name here