Hi virus cu nai te ah a rak chuak mi asi i vok pawl sin ah hmuh asi. Hi virus cu minung sin zong ah a chawn kho mi asi tiah mifim thiam pawl nih an hlathlainak in an hmuh. Atu virus zong cu a sining phunrham aa thleng kho chap mi asi caah minung in minung i chawnh kho a fawi kho men i cu thok in vawlei hmun kip a karh ṭhan chap lai tiah an phang ngaingai.

Thaizing kiptuh ah a chuak colh kho hnga ding cu asi lo nain mining sin zong ah chawnh kho asi caah ralrin taktak in um a herh. Cun hi virus cu a thar asi caah minung pawl pumchung sining nih a tei khawh lai maw tei khawh lai lo timi zong ruah awk ngai asi. Vok sin ah hmuh mi virus cu khamh kho ding le voksa chuahnak rianṭuantu pawl cu a bik in ralrin colh hna ding an si tiah Proceedings of the National Academy of Sciences Journal ah mifim thiam pawl nih an ti.

Atu lio coronavirus zawtnak raldoh cuahmah lio ah atu bantuk in hmuh thar mi flu virus thar hi mifim thiam pawl nih ralrin in zohfel hau ding mi zawtnak lak ah pakhat ahun i cang. Atu bantuk zawtnak aum hlan, vawlei cung ah a hnubik rai cu 2009 kum ah a chuak mi tlangrai zawtnak asi i “H1N1” tiah theih asi. Kha lio ah khan cun ruahnak tluk in minung an thi lo lem lo. A ruang cu kum pa deuh pawl nih hi zawtnak cu an tei khawh leng ah tuan deuh a rak um cia mi zawtnak pawl he an i khat caah asi. A/H1N1 pdm 09 timi virus cu kum fatin khamhnak sii chunh asi.

Taluk ah hmuh chap asi mi virus thar hi khahlan 2009 kum H1N1 he an i lo pah. Asinain aa thleng mi zeimawzat aum. Atu tiang ah hi virus nih ṭihphannah tampi a chuahpi rih lo nain ralrin a herh mi virus asi tiah hi kong hlathlaitu Professor Kim Chaung Chan le a hawi le nih an ti.

G4H1N1 tiah timi hi virus nih cun minung thawchuahnak lam cung ah a karh kho. Taluk in sathahnak hmun pawl le voksa chuahnak ah rianṭuantu pawl sining 2011 in 2018 tiang zoh mi sining ah cun mi virus cu minung sin ah a chawnh kho timi phichuak hmuh asi. Atu hman lio mi raikhamhnak sii zong nih hi virus cu khamh kho dawh asi lo. Sihmanhsehlaw a herh ah cun serchuah ṭhan dawh asi. Atu kan sining ah cun coronavirus ruang ah kan buai lio. Sihmanhsehlaw ralrin a hau mi zawtnak thar pawl zong cu philh awk an ṭha lo tiah UK Nottingham University, Professor Kim Chaung Chan nih cun ati. Thil sining ah cun tlangrai zawtnak cu zeitik caan poh ah asi kho ko nain ton a har ngai mi thil asi. Tlangrai chuahtertu virus pawl zong cu an i thleng lengmang caah tlangrai khamhnak sii zong cu thlen in chuah peng asi i tam deuh cu rai phun cu a chuak theng tawn lo.

Ref:BBC

LEAVE A REPLY

Please enter your comment!
Please enter your name here