Biakinn nih pek ding mi ngunkhuai le dantatnak 16,459.49 USD cu June 26 hlan liam dih asi lo ah cun Nother America Matu Christian Church cu an biakinn zuar hau dawh an si. Helen Thangmatu a pa nih hi Biakinn cu 2010 ah khan Lutheran church sin in rak cawk mi asi. Biakinn hman ningcang aa thleng lo poh ah cun ngunkhuai kongkau ah luat ternak aum ṭheio ko lai tiah an rak ruah. Aho hmanh nih hi ko he pehtlai in “luat ternak” tuah a hau tiah an kan chim lo. Aho hmanh nih kan thei lo. 

2011 ah khan Marion County i Assessor’s Office nih thawngthanhnak ca an hun kuat hna. Cu ah cun ngunkhuai kongkau luat ternak cu a caan dih cang caah a thar in sok ṭhan a herh tiah ti asi. Ca ning asi ah cun hi kong ah zeihmanh tawlrelnak aum lo caah tu bantuk in Biakinn cu zapi sin zuarnak “auction” tuah asi lai. Biakinn pastor nih bank lei a hun pehtlai hna tik ah cun aherh mi pawl tawlrel dih asi cang tiah an ti. 

“Kan lau ngaingai” tiah Thangmatu nih cun a chim ṭhan. Bank lei nih cun a herh mi an bawmh hna i biakinn cu a ba in an lak piak ṭhan. Ngunkhuai pek ding cazin ning ah cun kum 2018 ah khan 62,440.24 USD cu an pek cang. A tam deuh cu leiba cham le dantatnak pawl cham khi asi tiah Thangmatu nih cun a chim. Cu kum thok in ngunkhuai luat ternnak cu Thangmatu nih a hun thok ṭhan. Church bylaw cu English ah leh le a dangdang church he pehtlai in ca pawl cu kum hnih chung caan lak in timhtuahnak a ngei. A donghnak ah cun ngunkhuai luat ternak caah nawlhalnak an cu 2019 kum ah an tuah khawh. Cu lio ah Church lei in 34,499.09 USD ngunkhuai pek a taang rih. “Kan pek kho ti lo” tiah Thangmatu nih cun a ti. Zei hlai tuah ding kan thei ti lo tiah CBS4 cu bawmh hal ding in a auh. 

“Tangka kan ngei lo” tiah Thangmatu nih a ti. “Bank lei nih an kan bawmh lo ah cun kan biakinn cu kan ngei kho ti lai lo i “tax sale” ṭhan a hau lai” tiah a ti. Marion County i Assessor’s Office lei chimnak ah cun ngunkhuai pek ding mi a zat cu remhpiak nak thawng in ṭhumh deuh asi. Jun 15 ni sining ah cun North America Matu Christian Church nih pek ding mi leiba hi 16,459.49 USD asi. CBS4 lei in ram chung ṭuanvo ngeitu pawl le a dang biachimpiak tu pawl pehtlai in thil sining kong hlathlai asi. Church lei nih pekding kan ngei ti lo tiah an ti ah cun, county sin ah kal in nawlnak ca pek le asi kho ah cun ramkulh ṭuavo ngeitu sin ah  ngeihthiamnak hal a hau lai.

Nothern America Matu Church cu Indianapolis um Chin ralzaam biakinn 40 lak ah pakhat asi. Thangmatu nih cun “ralzaam pawl nih biaknak lei zalonnak caah tiah an ram an zaam tak. Biakinn cu an caah biapi mi asi zeiruang ah dah ti ah cun biakinn lawng lawng hi Matu holh le ca hman khonak hmun asi” tiah ati. “Kan biakinn kan sungh asi ah cun kan caah thil har ngai asi lai. Zei tuah ding zong kan thei lo” tiah Thangmatu nih cun a chim.  “Khrihfabu chungtel vialte zei lam dah kan tlaih lai?” tiah cbs4indy cherhchan in thawngtheih asi.

Hmanthlak:- Google chung i ummi lak chin in taar chin mi asi.

LEAVE A REPLY

Please enter your comment!
Please enter your name here