Pu Henry Van Thio cu a luan cia mi 2015 Thimnak ah Chin ramkulh, Amyothar Hluttaw thimnak hmun No.3 in aa rak i zuam i mipi thimfung tambik in a dang zuamcawh tu pawl a rak tei dih hna. “Pu Henry Van Thio hi pakhat nak papek asi. A chang tu ah Pi Sui Cer” tiah Pi Ni Sui Lian nih ati. 

Myanmar ram 2020 thimnak ah aa zuam ding mi Thantlang peng National League for Democracy aiawhtu pawl cu June 13 ah khan papek deuh mi le a chang tu tiin thim an si. Kum 62 asi cang mi Pu Henry Van Thio cu Thantlang peng chuak asi i Kawl ralkap i ralbawi hlun pakhat zong asi. 2015 thimnak ah khan NLD aiawh in zuamnak a rak lut, MP (Amyothar Hluttaw) a rak tling. Cu dih cun NLD nih thim mi Vice President cazin ah telh a rak si dih hnu ah Vice President II ah thim asi.

Vice President II rian a ṭuan hramthok in MP (Amyothar Hluttaw) hmun cu a rak lawng. 2017 caankarlak thimnak ah khan cu hmun cu NLD in Pu Bawi Khen nih teinak a hmuh. Chin ramkulh Thantlang peng ah Pu Henry Van Thio aa zuamnak hmun dah ti lo a dang hmun poh poh thlennak aum. MP (Pyithu Hluttaw) Pi Ni Sui Lian cu ara lai mi 2020 thimnak ah ramkulh thimnak hmun No.2 in aa zuam lai. Cuve bantuk in 2020 thimnak caah Thantlang Pyithu Hluttaw aiawhtu ah Pu C Za Cung, ramkulh thimnak hmun No.1 ah Pu Chan Ham nih an i zuam lai. 

Ara laimi 2020 thimnak ah atu lio State Counsellor Daw Aung San Sui Kyi le President U Win Myint zong an i zuam ve lai tiah NLD lei ṭuanvo ngeitu pawl nih an chim._7day.news

LEAVE A REPLY

Please enter your comment!
Please enter your name here