Hydroxychloroquine cu Covid-19 mizaw pawl caah hman ti lo ding in France cozah lei ṭuanvo ngeitu pawl nih siibawi pawl sin ah thawng an thanh. Covid-19 mizaw caah hi sii hman mi nih ngandamnak lei ral asi ter chin timi dothlatnak a tuah mi bu pahnih siin ruahnak peknak a hun chuah dih le cangka in France cozah nih atu bantuk a hun thanh colh mi asi. A taktak ah cun hi sii cu raifanh, rheumatoid arthritis le systematic lupus erythematosus zawtnak pawl hramhnak ding caah hman mi asi. 

Ahmasa deuh ah khan cun France microbiologist Didier Raoult nih France President Emmanuel Macron he tonak ah hi sii cu Covid-19 zawtnak hramhnak ding caah hman kho asi men lai tiah a rak chim bal. American President nih cun coronavirus ral khamhnak caah hi sii cu kan din lio asi tiah ati bantuk in Brazil President Jair Bolsonaro zong nih hi sii cu tha a pek.

Hydroxychloroquine cu FDA (US) nih covid-19 zawtnak hramhnak caah lakhruak in a herh mi siizung um mizaw zeimawzat caah hmannak nawl a pek mi asi. India Health Ministry zong nih ngandamnak lei rianṭuan tu pawl cu ralrinnak ah tiah hydroxychloroquine hman ding in ruahnak pek asi. Sihmanhsehlaw coronavirus zawtnak a ngei mi pawl hramhnak ding taktak caah tiah fiangfai in dothlatnak le nawlpek nak cu aum rih lo. 

Cu leng ah, hi sii nih hin lung (heart) lei he pehtlai in ningcang lo rianṭuannak a chuah ter kho tiah WHO nih cun ralrin nak pek mi asi. WHO nih cun hydroxychloroquine cu covid-19 mizaw pawl caah hman chunnak tuah mi cu cacawn nikhat ni ah khan a ngol._BBC

LEAVE A REPLY

Please enter your comment!
Please enter your name here