Ni 9 chung ah Wuhan i minung 6.5 million cu coronavirus test an tuah kho tiah ramṭhen thawngzamhnak in theih asi. 

Taluk ram laifang hmun um Wuhan ah minung 6.5 million leng cu novel coronavirus test tuah nak tuah asi tiin ramṭhen thawngzamhnak ah an telh. Hi pul a thawhkehnak hmun asi mi ah avoi 2nak pul tilet ral khamh kho ding in ṭuanvo ngeitu pawl nih biatak tein an hun timhlamh zong asi.

Wuhan nih khua cul dih lak in “nucleic acid testing” tuahnak a ngeih bantuk in khua chung um mi hna lak ah minung 6 cu zawtnak an ngei tiah tu thla thok ah hmuh chap an si. Hi an hmuh mi hi April thla chung ah lockdown an thlah piak dih hnu avoi khatnak an hmuh ṭhan hna zong asi. May 15 in May 23 tiang ah minung 9 million leng sin in test tuah nak an lak tiah China thawngzamhtu CCTV nih a thanh, Wuhan khuasa minung zapi 11 million i zatuak 80 cu test an tuah cang tinak asi.

Nucleic acid tests timi nih virus i a muru sining kha a hlat kho, zawtnak sining zong fiangfai deuh in a hlat kho, a hlei in zawtnak aa thok ka caan ah pumchung sining nih a doh kho ning cang pawl hi zawtnak ahun si hnu nak in tuah a fawi deuh ti si. Mi tampi test nak ah 198 hi “asymptomatic cases” timi asi cucu virus a ngei ko nain a sining zeihmanh a lang lo mi pawl khi an si tiah Health Times nih cun a ṭial. 

Wuhan testing campaign a kal ning le thil huap mi sining cu “ni hra chung raltuknak” tiah ṭuanvo ngei tu pawl nih an ti. Atu bantuk test an tuah mi cu US telh in zapi zaran ram nih tuah kho mi a lonh asilo le tlukrual in an tuah kho ve tinak khi asi. Cacawn ninga ni lawng ah Wuhan ah mining 1.47 million cu test an tuah kho tiah CCTV nih a thanh. 

US ah nikhat a tambik coronavirus test an tuah kho mi cu atu lio ah 416,183 an si tiah Covid-19 Tracking Project ṭuanvo ngeitu Johns Hopkins University sin in thieh asi. Hi zawtnak pul a thok ka in zapi fonh ah cun US ah minung 14,131,277 cu coronavirus test tuah an si cang tiah CDC nih a hnu bik chuah mi sining ah a lang. Hi lak ah cheukhat ramṭhen nih pumchung nih zawtnak a doh kho mi lei test tuah mi zong ah tel, hi bantuk test cu atu lio a zaw maw zaw lo timi cu a lang ter kho lo nain coronavirus a rak ngei bal maw timi cu a langhter. 

Wuhan ah cun sang kip nawn ah test tuahnak hmun tete serpiak asi i khua mi pawl cu hmaihuh i huh buin test ding ah hun i tlar cio asi. Zarhte ni ah khan test tuahnak hmun 231 cu serchap asi i rang deuh le tuan deuh in test tuah kho asi cang tiah Changjiang Daily nih Wuhan um Communist Party lei chim mi cu a thanh chap. Ngandamnak lei rianṭuan tu pawl zpng nih inn khat hnu inn khat kal in upa deuh pawl le lengcuak kho lo mi caah tiah test an tuah piak hna tiah theih asi. 

Taluk thawngzamhtu Caixin nih “thuk le kau deuh in, a rang tein test kho ding caah Wuhan ngandamnak lei ṭuanvo ngeitu pawl nih mipi siin in lak mi test tuahnak pawl cu hmunkhat ah chiah i testtuahnak thilri ah chiah asi cucu “pool testing” ti asi” tiah an ti. Cu testnak zapi lak ah cheukhat pawl positive an si ah cun cu pawl cu leng ah chuah an si i a dang a taang mi pawl cu hun test thluah mah an si ko tiah cu Caixin nih cun a ṭial chap. Zatuak in zeizat hrawng dah Wuhan ah cubantuk pool testing an tuah timi tu cu fiang in theih kho asi lo.

Wuhan Health Commission sin zong ah hi kong he pehtlai in thawngfiang hal asi nain lehnak aum rih lo. April thla ah khan Germany nih cun atu bantuk coronavirus a ngei ko nain zawtnak sining a lang lo mi tampi an um caah pooling testing in tuah khi siseh law mi tampi test kho an si lai tiah ruahnak a rak chuah bal mi asi tiah  sii lei cazual The Lancet nih an rak chuah bal cang. REF:-CNN

LEAVE A REPLY

Please enter your comment!
Please enter your name here