Former President Barack Obama nih President Trump cu coronavirus zawtnak kong a tawlrel ning he pehtlai in a soisel. Atu lio zawtnak sining zoh tik ah cheukhat ṭuanvo ngeitu pawl cu thlahuhvangphah te tal hmanh in ṭuanvo laknak an ngei lo tiah Obama nih Collage sianghngakchia pawl sianginn an dih puai online biachimnak ah a telh chih.

President Trump Cozah he pehtlai in a soisel mi cu atu hi avoi 2nak asi. A luan cia mi zarh ah online cung ruah lo in a rak phan mi video pakhat ah cun atu bantuk pul he pehtlai in cozah rianṭuan ning cu a cawhkalh dih tiah a rak ti bal.

Atu tan collage sianghngakchia pawl sianginn an dih puai biachimnak ah cun “covid-19 zawtnak nih hin America ram ah hruaitu lei kan chambaunak aum ti mi cu a langhter” tiah Obama nih ati. Atu lio ṭuanvo la tu pawl an rianṭuan ning cu fiang ngai in a lang in hibang fiang lak in a langhter kho tu ah hi pul leng in zeihmanh aum lo” tiah ati chap.

Cu leng ah ṭuavo ngeitu pawl zong nih a phun men tein ṭuanvolak tal hmanh an ngei lo tiah a soisel. A luan cia mi suimilam 24 chung ah USA cu minung 1200 an thi tiah John Hopkin Univesity nih zohfelh mi thawngthanhnak ah hmuh asi. USA ah hin atu tiang ah Covid-19 ruang ah athi mi minung zapi 89,000 an phan cang i vawlei cung ah a tam bik athi mi ram asi.

America ram um minak pawl cung ah hi coronavirus pul nih a tlunh hna ning zong sau lak tein Mr. Obama nih cun a chim. “America ram ah minung kan i thlaidan ning, minak pawl nih kum khua saupi rak temh in nak cu atu pul nih hin fianglak tein a langhter ve” tiah ati chap. USA ah Covid-19 zawtnak ruang athi mi le siizung a phan mi minak pawl cu hawidang nak in a let in a sang ve hoi.

Hriam nam a tlai lo minak Ahmaud Arbery cu mirang pahnih nih February thla chung ah an kahthat mi kong zong kha Mr. Obama nih cun a telh chih. “Minak pa pakhat a mah tein ngandamnak caah lamleng ko mi cu midang nih check le hlatnak an tuah i an hal mi a leh lo hna asi le kahthatnak nawl aum tiah micheu nih an ruah” hi nih USA ah minak mirang thleidannak aum timi cu a fianter ngai tiah ati.

“Kan vawlei pi a ṭha chin khonak ding caah nan ṭuanvo asi” tiah sianghngakchia pawl sin ah biacahnak a ngei. Mr. Obama hi 2017 kum president in a din hnu khan a rian chawngtu President kongkau he pehtlai in chim le ceih hi a hmanh lo ngai mi asi. Sihmanhsehlaw atu lio hrawng cu pakhat le pakhat an hun i soisel pah ngai. Mr. Obama le a hnu zul pawl nih hin President sining zorchukter ding phun in ningcang lo tuahsernak an ngei tiah President Trump nih a hun ti ve hna. Hihi Ameirca tuanbia ah a ngan bik ramkel ningcang lo tuahsernak asi tiin President Trump nih amah Twitter ah a tar.

Cherchan:-CNN,BBC

LEAVE A REPLY

Please enter your comment!
Please enter your name here