Visitors to Luang Prabang town, Laos, a world heritage site, are drastically lower than usual on March 4 due to travel restrictions intended to prevent the spread of the coronavirus. Nathan Thompson for Foreign Policy

South East Asia ram asi mi Laos, Cambodia le Vietnem ram pawl ah hin a luancia mi thlakhat tiang Covid-19 zawtnak a ngei thar hmuh chap asi lo. Laos ram hi South East Asia ram lak ah zawtnak a chawn mi a tlawmbik an si minung zapi 19 lawng an chawn ti asi. Atu ah cun Covid-19 mizaw thar zong an hmuh lonak hi ni 33 asi cang. Covid-19 ruang ah a thi mi zong an um.

Laos Health Ministry in Deputy Minister Phouthone Meaungpak zong nih May 14 ni Laos khua lipi Vientiane ah tuah mi thawngfian ternak ah cu kong cu fehternak a tuah. The Laos National Taskforce Committee for Covid-19 Protection le Control nih a chim ning asi ah cun ramchung i hmunhma 66 ah hin minung 2,097 i tha tein zoh fel an si tiah theih asi.

May 13 ah ram dang a phan mi Laos rammi pawl an rak lut hna. Ram dang in a rak tung mi lak ah hin Thailand in 1,409, Vietnem in 895 le Taluk in a rak tlung mi 10 an asi. May 14 ah lunghrin mi mizaw zapi 4,092 cu coronavirus test an tuah hna tik ah an zapi zawtnak an ngei lo. Cu leng ah Covid-19 mizaw asi mi minung 19 lak ah hin 14 cu an hun ṭha deuh ngai ti asi. Covid-19 zawtnak a ngei mi a hmasabik minung 2 cu March 24 ah hmuh an si i Laos cu caan tawi chung ah Covid-19 a khamh kho tu ram ah a hun i cang.

Vietnam zong ah Covid-19 zawtnak a ngeitu hmuh chap mi a um lonak hi zarh li a si cang. May thal thok ah UAE ram in Vietnam rammi 317 cu cozah nih a va lak hna i Qurantaine ah luh ter an si colh tiah theih asi. Vietnam ah a hnu bik hmuh mi Covid-19 mizaw cu Thuong Tin ramkulh i Dong Cuu khua um kum-36 minung asi. Cu ruang ah cozah lei ṭuanvo ngeitu pawl nih cu khua cu thla 1 lockdown an tuah. May 14, cacawn nili zaanṭim ah lockdown tuah mi ngol asi cang lai. Vietnam ah minung 13,700 leng cu Quarantaine hmun pumhnak, siizung le mah umnak inn …tbk pawl ah hmundang dang ṭhen in zoh le congh an si. Vietnam ah Covid-19 mizaw 288 an um I cu lak ah 260 hi an dam thiang cang bantuk in a thi a lo mi zong an um lo.

Cu ve bantuk in Cambodia zong ah thlakhat lonh hnu tiang zawtnak a ngei mi hmuh chap asi lo. Mizaw thar an hmuh lo nak hi ni 33 asi cang. Cambodia ah hin minung 122 Covid-19 zawtnak an ngei i 121 hi an dam thiang cang, a thi mi zong an um lo ti asi ve. Cambodia Health Ministry lei zong nih caan sau nawn zawtnak a ngei mi mizaw hmuh chap asi rih lo nain a dang ASEAN ram pawl le vawlei cung ramkip nih taur in mi Covid-19 Second Wave cu a hun chuak lo nak ding caah rammi pawl nih hliphlau tein um ding asi tiah ruahnak pek asi.

Ref: khmertimeskh, thestar

Topics: COVID-19, Laos, Cambodia le Vietnem.

LEAVE A REPLY

Please enter your comment!
Please enter your name here