Chinram kulh Hakha Siizung ah aum mi Covid-19 mizaw (case 150) cu voihnih test an tuahnak ah Negative phichuak asi cang caah siizung in chuak kho ding timhtuah piak asi lio tiah theih asi nain May 13,2020 zaanlei suimilaam 4:00 ah Hakha Sii-inn chuahter asi cang tiah The Hakha Post cherhchan in theih asi. 

Chin Ramkulh Social Affairs Minister Pu Pau Lun Min Thang nih laksawng peknak le thazaang peknak bia chimnak zong an ngeih hna tiah The Hakha Post cherhchan in theih chap asi.

Atu a damthiang cang mi case-150 he naihniam le tonghthamnak a ngei mi zapi 51 an si, an zapi tein an ngandam ko tiah theih asi.

“Siizung in a chuak kho cang lai, test ah Negative voihnih phichuak asi, kan zapi tein kan i lawm ngaingai. Atu facility quarantaine a lut lio mi he khuami pawl he kan lawm dih. Kan mah zong a voikhatnak test phichuak cu Negative kan si. Hihnu voikhat test tuah kan si rih lai tiah an ti” tiin facility quarantaine lut lio mi U Thang Lian nih achim.

Atu lio ah cun Hakha siizung ah conghhramh asi mi case-150 siizung ṭum kho ding in timhtuahnak an ngei lio i hmundang tein umter asi lai.

Hakha Covid-19 Response Committee i chungṭuan asi mi Dr. Cung Pi nih “test result negative asi mi cu siizung in chuah kho asi cang. Chim duh mi cu Covid-19 Guideline ning ah cun nazi 48 chung a tak lin maw lin lo timi zohfel hnu, a tak lin lo normal asi cang ah cun siizung in chuak kho nak nawl pek asi lai” tiah ati.

Case-150 he naihniam le tonghthamnak ngeih ruang ah facility qurantaine in aum lio mi pawl hi Hakha Collage ah ni 15 hrawng an umnak asi cang tiah theih asi.

Hmanthlak:=)The Hakha Post

LEAVE A REPLY

Please enter your comment!
Please enter your name here