Yangon Cozah nih tazacuainak atuah mi thawngṭha chimtu Saya David Lah cu hotel quarantine in aum lio asi i atu ah hotel in a chuak cang timi thawng cu thawngdik asi lo tiah South Okkalapa township aiawih tu MP U Moe Myint nih achim.

“Hotel qurantaine in atli timi cu asi lo. Kilvengnak lei ṭuanvo ngeitu pawl nih ahlat cang. Atu hotel ah aum ko. Cubang thawng kan theih caah hlathlainak kan tuah mi asi” tiah U Moe Myint nih achim. Atu lio ah Saya David Lah cu ṭuanvo ngeitu pawl nih ṭha tein an kilven ko tiah U Moe Myint nih cun chim. thawngṭha chim tu David Lah cu Botathawng Township(Tsp) i City Hotel Yangon ah Hotel qurantaine in aum lio asi.

“David Lah atli an ti mi cu asi lo, hotel ah aum rih ko” tiin Botathawng Tsp in MP asi mi Daw May Soe zong nih amah facebook ah cun a ṭial. Covid-19 zawtnak angei mi Saya David Lah cu aluancia mi nithla ah tuah mi sii checknak ah khan Negative phichuak asi caah Wai Bar Gi Special Hospital in ṭumnak nawl ahmuh cang i atu hi hotel qurantaine in zarh 2 aum lio asi.

Covidvirus aum lio caan ah Rampumpi in zulh ding mi phunlam pawl zulh lo in biaknak lei tonpumhnak pakhat atuah ruang ah thawnṭha chimtu Saya David Lah le U Wai Tun cu Natural Disaster Management Law in Yangon ramṭhen cozah nih Mayangone Tsp ah tazacuai an si.

LEAVE A REPLY

Please enter your comment!
Please enter your name here