Yangon ah Covid-19 zawtnak a ngei mi 14 an hmuh chap caah rampumpi huap in mizaw 176 an si cang tiah Ministry of Health and Sports (MHS) nih May 7, zaan suimilam 8:00 ah thawng a thanh.

Mizaw thar hi Yangon, Insein sang in minung 12 le Tamawe sang in minung 2 an si. An zapi tein ramdang lei ah tlungkal nak a ngei bal mi cu an si lo nain Covid-19 mizaw cheukhat pawl he naihniam le tonchawnhnak an rak ngei bal caah an zapi tein hin ningcang tein zohfel nak hmun ah chiah cia mi an si.

May 7 ah National Health Laboratory nih check mi ṭhipkhatnak minung 83 le Department of Medical Research nih check mi 102, check mi zapifonh 185 lak ah Covid-19 positive tiah fiang in a lang mi mizaw that 14 cu rak hmuh an si.

Myanmar ram ah hin May 7 zaan suimilam 8:00 tiang thawng thanh nih asi ah cun Covid-19 mizaw zapi 176 an si, a thi mi 6, a dam thiang mi zapi 62 le culak ah siizung in a ṭum kho cang mi 37 an si tiah MHS nih thanh mi in theih asi.

Hmanthlak:-MOHS

LEAVE A REPLY

Please enter your comment!
Please enter your name here