Gilead Science Inc’s nih chuah mi antiviral sii (remdesivir) cu Covid-19 mizaw hramhnak emergency caah hmanh khawh asi lai tiin U.S Food and Drug Administration nih May 1, 2020 ah nawl pek asi cang. Cu caah US ram um sii inn pawl ah tamdeuh le kaudeuh in hman khawh asi cang lai. White House-innrang i Oval Office ah tuah mi President Trump he tonak ah Gilead lei ṭuanvo ngeitu Daniel O’Day timi nih “abiapi mi avoi khatnak karhlan mi asi, sii dur 1,500,000 cu mizaw pawl sin ah alak tein bawmhchanh hna ding biachah nak kan ngei” tiah a chim. Hi sii he pehtlai in aman zeizat dah asi lai timi cu an chim rih lo i hi bawmhchanhnak tuah khawh hnu ah an chim te lai. Hi FDA nih nawlpekmi hi abik in siizung ah Covid-19 zawtnak a zual ngai i oxygen pek hau mi pawl ca deuh ah asi lai. Gilead lei nih cun “Federal cozah nih hi bawmhchannak he pehtlai in a tawlrel lai i sii (remdesivir) cu Covid-19 faktuk a tuar mi umnak hmun/siizung pawl sin ah phawtzaamh asi lai. Hi sii cu zapi caah phawtzaam asi rih lai lo. Cu pinah (Intensive Care Units) le a herh tuk deuh nak hmun pawl tiah Cozah nih ruahmi hnsin a biapit deuh nak hmun ah phakter hmasa asi lai tiah theihternak tuah asi.Vawlei cung ram kip cu novel coronavirus nih ceilak tein tlak asi dih cio.

remdesivir

US ram phumpi huap nawn lengchuak lo bak in zawtnak a karh lo ding in khamh khawh an i zuam cuahmah lio bu ah Covid-19 zawtnak a ngeimi minung 1,000,000 leng an si cang, minung 63,000 leng an nunnak a liam cang.“Covid-19 mizaw pawl cu hi sii chunh an si tik ah an ṭha deuh ngai. Hi zawtnak nih a chuahpimi zawtfahnak cungah hi siin tuan deuh hman ah cun ṭha tein rian a ṭuan/dam kho deuh” tiah a luanchia mi cacawn nithum ni ah khan Gilead lei ṭuanvo ngeitu nih a chim.National Institute of Health nih zohfelnak an tuah mi zong ah “a dang tuah chun mi sii pawl nak in (remdesivir) sii nih hin siizung a kai mi 31% hi a ṭhat ter deuh” tiah hmuh asi.

Atu lio ah Covid-19 caah sii le ai, khamhnak taktak a um kho rih lo tik ah hi Gilead nih chuah mi sii cu mipi lung a lak kho ngaingai. Hi zawtnak nih chuahpi mi zawtfahnak zeimawzat ṭhat ter kho tu ding poh cung ah Siibawi pawl zong nih ruahchan asi ve.Anaibik tuah mi sii lei zohfelnak nih cun zawtnak ngei minung 3,000,000 leng le athi mi 225,000 a phan cang mi novel coronavirus cu remdesivir sii nih ṭhahnem in a damter kho lai tiah ruahchanh asi.WHO nih “remdesivir cu mizaw a dam ter kho hlei lo, thi chung um mi zawtnak aum mi tlawmpal lawng a zorter” tiah aluan cia mi zarh ah khan a rak thanh nain “an hlathlainak kha adongh tiang hngak lo in tuah mi asi” tiah Sii sertu pawl nih cun an leh.Rendesivir sii hi Ebola zawtnak damter kho ding in rak ser asi nain ṭha hnemnak a ngei lo. Atu Covid-19 doh kho nak caah hun i zuamṭhan asi. A ruang cu hi sii hi cubantuk virus pawl rianṭuan kho lo nak ding in rak ser mi asi. Cu ah cun atu zawtnak phun zong a tel chih i sii a rianṭuan ning cu hlat le tuah chun asi.Hi siidur 1,500,000 cu a ra lai mi May 04 (cacawn nikhat) thok in siizung pawl ah phawzaam asi lai tiah Vice President Mike Pence nih a chim.

Ref:FDA New &Others

LEAVE A REPLY

Please enter your comment!
Please enter your name here