US Ram pumpi ah Sa (meats) chambau nak aum lai. Atu lio zawtnak (COVID-19) ruangah Sa thahnak or Sa can nak (Tyson, JBS, Smithfield-good food responsible) company hna tampi an khar. zawtnak angah mi ai chawnh mi an tam caah le test an tuah hna. Cu ruangah acheu cu rian an ttuan ngam lo cun an rianttuan nak company hrimhrim an khar caah asi. Tyson company hi hmun 15 bak an khar. Iowa Tyson Food company hna ahcun an ttih tuk nain acheu rian an ttuan ter mi hna an um caah bia an chim zongah an mui zong an langh ter duh lo. Cuti cun media sinah mui lang ngam loin bia an chim aruang cu rian an kan chuah lai ti an phan caah asi. An ttih tuk buin rian an ttuan. Achim mi chungin rian kan ttuan nak ah hmai huhnak (face mask & glove) tling in an kan pek lo caah kan ttih khun ati. Logansport, Indiana Major Chris Martin nih aran nak in an company zong a khar ter hna. Cun Texas Caw a zua tu hna (Farmer) hna nih an chim mi cu kan Sattil kan zuar kho ti lo. kan thei lo zeitin kan si lai kan zuar khawh tthan lai timi ati. Cun US Ram ah Sa achuahnak Company angan bik mi JBS Company ahcun achungah rianttuan an thok hlan ah zawtnak angei maw tiah cek (test) peng asi. Athi mi an um cang caah asi. Cun achungah rian attuan mi Crystal Rodriguez nih achim mi cu hi bantuk i company rian akan ttuan ter tthan mi athi mi an um hnu zongah hihi zeirel lo zong asi ati.

Sa Thah-Can nak Company Ngan Ngan

Cu caah Sa tambik achuah nak Company ngan pipi pa 15 an khar caah hin Dawr (Grocery store) ah Sa acham bau lai i acaw tu hna nih cawk awk aum lai lo tiah atu lio an i ceih cum bik mi cu asi.

Cun acheu khat State hna (Lock down) an khar mi cu awn tthan asi tik ah thinphang ngaingai in um cio asi. Hlan lio thil acang mi (Spanish flu) bantuk hna asi ahcun ttih anung chinchin tiah (Public health Dept) nih an chim. Acheu nih cun duhsah tein Lockdown awn asi lai i cuti cun ahlan bantuk tein minung zong kan i ngamh lai kan umtti kho lai tiah an ruah ve.

U.S ram ah Coronavirus azawmi hi 1,000,000 mahnak tam an si lio ah President Trump nih cun US Rampi hi Reopen -awn cang ding asi tiah aum nak innrang pi in heh tiah a au len. Cucu Public health Dept le U.S State khuaboi hruaitu hna nih an duh vve lo. Acheu cu kan open lai an ti ve. Cu caah atu lio bantuk in hi zawtnak asi peng ko asi ahcun mahnak alet in ai chawnh mi kan si lai i kan thi lai tiah an ti.

Kanmah le kan umnak cio tu ah ralring tein umtu thiam ko hna usih.

Ref:NBC, Business Insider

LEAVE A REPLY

Please enter your comment!
Please enter your name here