U S – America ramah Covid-19 zawtnak a chawnh mi a tam bik le nunnak a liam bik nak New York khua ah Kawlram – Myanmar mi zong a thi mi minung 17 an si cang tiah theih asi. New York State chung um khua 60 leng lak ah chawleh nak ah biapi mi khua New York khua cu Sii lei rianṭuan tu pawl nih zohkhenh an i zuam cuahmah lio ko bu ah Covid-19 zawtnak a karh mi cu a zor ngaingai rih hlei lo lengah cacawn ninga ni nikhat lawng ah a thi mi zapi 440 asi rih ko.

THE HEART OF NEW YORK (STAY HOME + SAFE LIVE)

New York khua a thi mi lak ah Myanmar ram mi pawl zong an i tel i atu tiangah atlawm bik minung 17 an si cang tiah Covid-19 mizaw bawmchantu Ma Htoo Htoo sin in theih asi. “NY i Elmhrust ah a um mi pawl hi siizung tambik a phan mi an si. Myanmar ram mi ti-tik zong ah cu hmun ah khuasa cia mi deUh pawl khi an si. Athi mi lak ah a tam deuh zong an si. Thawng an thanh ning ahcun minung 17 hrawng an si cang lai. Asi khawh chung in Myanmar Community zong nih bawmhchanh khawh i zuam cio uh” tiah a chim.

A thi mi pawl hi New York, Queens County, Elmhurst hmun um deuh asi si. Cu hmun cu mi tam deuh um nak asi caah zawtnak a karh chin nak zong asi tiah New York in Covid-19 Zawnak hramhtu Siibawi Dr. Zayar Thet nih a chim. “Ka theih tawk hmanh ah a nunnak a liam mi hi minung 5 hrawng an si cang. An zapi te in Elmhurst hmun um deuh an si. Cu hmun cu mi an chah ngai, mi phun tling khuasak nak asi. Myanmar ram mi lawng si lo in Europe ram mi, Latin America tbk zong an um. Cun Bangladesh lei le Nepal lei zong i fonh in an um. Cu caah mi an chah khun. Cun inn pakhat hna cu Myanmar ram mi pawl fonh in an um tti nak aum. Ka thieh tawk ah cu inn in minung 20 hrawng zawtnak an i chawn ti asi” tiah a chim.

Athi mi lak ah micheu cu a donghnak an thaw cat lai hrawng te hna ah siizung a phan mi zong an um tiah thieh asi. “Covid-19 zawtnak in athi. Hika cu vawleitang tlanglawng i cit le hman asi tik ah Public Transportation in i chawnh hi a fawi khun. Inn ah aum i a dam lo nak tu cu zarhkhat hrawng asi cang. Atak lin, a khuh. Test an tuah i Covid-19 asi caah siibawi nih Malaria sii a hun pek chap. Cu sii a din ni 2nak ah a thawchuah a tha ti lo. Elmhurst ah aum caah 911 auh tik cun a nai bik Elmhurst siizung ah chiah asi. Ava phanh tik cun a tlai tuk cang caah oxygen level zong a tla tuk cang. Ambulance cung hrim ah lung zong rian a ttuan ti lo.” tiah Covid-19 ruang ah a nunnak liam mi (kum-50 hrawng) i a hawi nih cun a chim.

New York State ah hin zawnak test tuah cang mi minung zapi 780,000 hrawng lak ah 280,000 leng hi zawtnak an a ngei mi an si i athi mi 16,600 hrawng an si cang tiah theih asi. Cu lak hmanh ah New York khua chung lawng in athi mi 11,800 leng an si tiah State cozah lei nih thawngthanh asi.

Source: VOA.

LEAVE A REPLY

Please enter your comment!
Please enter your name here