US Ram Sa thahnak le sa can nak Company ngan pipi ah kan Chinmi tampi rian an ttuannak hmun ah atu lio zawtnak tha lo (COVID-19) in a zaw mi an tam caah hmun tampi Tyson Company cu an khar i a cheu cu an khar ve lo. LOGANSPORT,S Indiana hmun ah Tyson Foods rianttuan tu hi thongkhat leng rian an ttuan nak hmun asi. Cu chungah cun zawtnak an ngei maw tiah an test tik hna ah minung 200 leng an ngei-hmuh, cu caah an dihlak in an test hna lai tiah theih asi. An rianttuan nak hmun zong an khar.

US Ram ah Vok thahnak le Sa can nak Voksa hmun (pork plant -meats market) 25% tluk cu khar piak asi cang. COLUMBUS JUNCTION, Iowa i aum mi Tyson Foods company ah hin minung 1400 rian a ttuan mi an si i mi tamtuk nih hi zawtnak an i chawnh ve caah an rianttuan nak company cu an khar ve. Cu bantuk in Tyson Foods Waterloo hmun zong an khar piak hna. Hi company pahnih ah hin kan Chinmi minung 500 leng rian ttuan mi aum. Asi nain tangka $ an hmuhzat tein Suimilam tling in pek an si lai tiah kan theih chap.

Iowa Waterloo Tyson Foods

Hi vialte 25% tluk Sa thahnak company hna khar le dinh ter an si tik ah an Customer a cawtu le a ei tu caah hin tampi harsat nak a chuak sual lai ti hi kan phan mi asi tiah National Foods supply for American families le local communities siseh Vok le Caw a zua tu hna zongnih harsat nak tampi kan tuar te lai tiah an chim.

Cu bantuk in a cheukhat Tyson Company cu khar le dinh ter asi ve lo tik ah rianttuan tu hna caah ttih phan awk ngaingai asi. Ralring tein le zulh ding phunglam an in tuah-sial piak ning tein zulh khawh le rianttuan khawh nan i zuam ahau.

Ref: Local news & AP news

LEAVE A REPLY

Please enter your comment!
Please enter your name here