Virginia State Gov. khuaboi Ralph Northam nih an State caah Vote thlak ni cu Holiday ni ah si cang seh tiah min sen a thut cang. Cu caah an nih State cu election Day cu state holiday a si cang lai i mi vialte nih awlzaang tein vote an thlak khawh cang lai. Hihi Republican buu nih an duh lo ngaingai mi asi. Zei caah tiah cun mipem hna nih Vote thlak khawhnak nawl ngeih nak an ngeih mi zong an duh lo i awlzaang tuk in kum 18 cung poah nih Vote thlak zong an duh lo. Asi nain atu bantuk in an khuaboi nih minsen a thut cang caah an nih State ahcun Vote thlak ni cu State Holiday asi cang lai caah tuan deuh in (early vote) nak nawl angei lomi hna zong nih rian dinh (off) hau lo tein Vote an thlak khawh cang lai.

LEAVE A REPLY

Please enter your comment!
Please enter your name here