WASHINGTON – nih a ttial ningah cun Americans mipi hna nih harsatnak atu zawtnak tha lo COVID-19 ruangah harsa in aum mi hna rian loin siseh, harsat nak kan ton ruangah tiah Cozah Lutlai hna nih hnatlak nak an ngeih hnu ah President nih min a thut mi cu tawlrel tu hna nih an tawlrel i IRS sinah an phak ter hnu ah atu bantuk in mi cheukhat sinah cun cu tangka $ cu cohlan asi cang. phundang cun an hmuh cang. Nizan le nihin ah an check ah deposit in IRS sin in an hmuh cang. Ahmu cang mi hna hi nu va deuh nih an hmuh cang ti asi. Cuhnu ah nupi/pasal angei rih lomi single pawl sinah a lut lai i cu hnu ah chungkhar (family) sinah a lut te lai ti asi.

2018 kum caah tax na file asi ahcun atu bantuk in hi bawmhnak cu na cohlan lai. Cun naitan 2019 caah Tax na file manh i Direct Deposit in IRS sin in na sinah tangka (na tax file) mi aluh ning tein khan a rak lut lai. Asi kun cun 2019 ca tukum kha ka file manh lo na ti asi zongah kum 2018 ca na file ko asi ahcun a IRS sin in a lut ko lai. Amah bel te cu asi lo ningin Tax na rak file asi ahcun atu bantuk bawmhnak hi na cohlang lai zumh asi loh. Cun Direct deposit na tuah lo i na tax file mi kha check in na rak ngah mi asi ahcun atu bantuk in bawmhnak zong na inn mailbox ah check in an in kuat te lai nain a rau deuh lai. Atu April thla ni 15 hincun pek awk hnga-ding cu pek le kuat dih asi cang lai. Acheu khat company cu rian ttuan asi ko. Asi nain atu bantuk in bawmhnak timi hi cu kha he khan zeihmah ai pehtlai lo i na hmuh-co hlan ve tthiamtthiam ko lai.

Single asimi kum khat ah $75,000 tang a income asi mi nih $1,200 an hmuh lai.
Nu pa asi mi kum khat ah $150,000 tang an income asi mi nih $2,400 an hmuh lai. Hngakchia angei mi hngakchia pakhat kum 17 tang asi mi nih $500 an hmuh ve lai.

Afiang mi cu single asi mi nih kum khat ah income $75,000 cung asi ahcun atu bantuk bawmhnak hi a hmu lai lo. Cu bantuk in Nu Va hna zongnih an pahnih an income kum khat ah $150,000 asi ahcun atu bantuk bawmhnak an hmu ve lai lo.

Atu bantuk bawmhnak kan hmuh dingmi hi kan Cozah athat tuk ruangah asi lo. Mi tampi nih cozah ttha kan ngeih ruangah asi tiah kan ruah tawn. kam khat lei in ruah ahcun U.S alei ba ai chap nak asi tiah an ti. hi thil nih hmailei ah Tax kan pek mi tam ial a kai te lai. Cu caah mitam pi cu an duh lem lo. Zeiruang bik ah dah atu bantuk in tangka pek le kuat nak cu an tuah tiah cun atu bantuk in rian loin umto cio asi tikah cikhat i cherhchan nak caah tuahmi asi i hi zawtnak a hun kian tik ah rianttuan asi lai i tax pek ah mipi kan harsa sual lai ti phan ruangah asi. Atu bawmhnak kuat mi pay check hi U.S ram chawleh chawhrolnak (economic recovery package) chungin hman mi asi.

Ref- Washington Post

LEAVE A REPLY

Please enter your comment!
Please enter your name here