U.S Cozah in chawnhkhawh mi zawtnak lei ah hmaisuangbik Dr. Anthony Fauci nih U.S ram ah COVID-19 zawtnak hi minung nuai 1 leeng (1 million) nih zawtnak kan ngei lai i milu singkhat (100,00) leng hi zawtnak in an nunnak a liam kho tiah a chim. 

A tu lio ah COVID-19 zawtnak cu U.S ah 12500 leeng nih an ngei cang i minung 2100 leng a nunnak a liam cang. National Institute of Allergic and Infectious Disease in Director Dr. Anthony Fauci nih U.S ah hi zawtnak hin minung singkhat in singhnih (100,000-200,000) karlak nunnak a liam kho tiah a chim. 

U.S President Trump nih cun thawhtthan hlan ah U.S sipuaizi le a dangdang zungkhar mi pawl zong on tthan a duhnak a chim. Asinain, U.S cozah COVID-19 dotu phu in sii lei thiamsang bik Dr. Fauci nih cun “ A caan rikhiah in cun ka theih lo, zarh zeimaw zat cu kan him rih lailo, thaizing cu kan him hrimhrim lailo i, hmaizarh zong kan him rih hlei lailo. Caan zeimaw zat cu a rau rih ko lai” tiah a chim ve.

John Hopkins Coronavirus tracking ning in, a tu lio ah vawleicung ah milu 690,000 leeng nih zawtnak a ngei i, minung 33,000 hrawng an nunnak a liam i, minung 147,000 hrawng nih damnak an hmu than. U.S ah mizaw an tam bik cang i, Italy ah mithi an tambik.

https://www.nbcnews.com/politics/donald-trump/fauci-coronavirus-could-kill-over-100-000-americans-n1171556?cid=sm_npd_nn_fb_ma&fbclid=IwAR1uWL5rl5N0WgLPv18uyCkIbx85XIBLvR8MOAUSiglT_MnAqV1grE25D7E&fbclid=IwAR3Ae-5t333-_dBmimLfgvQjh2FRMt96NAxBAg1pQK7OzTvTEe1IqrJ7mac

https://coronavirus.jhu.edu/map.html

hmanthlak: NBC News

LEAVE A REPLY

Please enter your comment!
Please enter your name here