1. Coronavirus zawtnak cheknak an ngei maw?

Bialehnak: A tawinak in leh ahcun, an ngei ko. COVID-19 zawtnak cheknak cu an ngei ko hna nain, tam an ngei lo. Asinain, Coronavirus zawtnak ca bak ah an in chek hlan ah a dangdang zawtnak an in chek ta hma sa lai. Cu hnu ah Coronavirus zawtnak na ngeih le ngeih lo chek an si lai. Coronavirus zawtnak na ngeih le ngeih lo an chek khawh ko. 

https://www.cdc.gov/media/releases/2020/t0228-COVID-19-update.html

2. Coronavirus hi U.S in maw aithok Tuluk in?

Bialehnak: World Health Organization, UN le vawleicung ram vialte nih hi zawtnak cu Tuluk ram Wuhan khua in aithok mi a si tiah an pom dih. December 31, 2019 ah China i WHO zung ah pneumonia (ttangfah zawtnak) in a zaw ttung i zeiruang sat ah dah a si ti theihlo mi zawtnak an rak theih hmaisa bik. January 3 tiangah hi theihlo mi ttangfah zawtnak minung 44 nih an ngei manh cang. Tuluk cozah ramdang pehtlaihnak tlaitu hna nih cun U.S. ralkap nih hi zawtnak an thok tiah U.S a puh hna. COVID-19 cu Wuhan, China in aithok mi a si.

https://www.who.int/emergencies/diseases/novel-coronavirus-2019/situation-reports

3. Coronavirus zawt damhnak si an ser kho cang maw?

Bialehnak: Atawinak in cun, COVID-19 damnak ca bak ah ti in sii a um rih lo. Raifanh zawttik ah i tholp nak ah hmanmi chloroquine le hydroxychloroquine hi a ttha tiah thawngpang a leeng i, sizuar nak kip ah cawk awk um lo tiangin an i cawk hna. Nain, White House Coronavirus Task Force in Dr. Fauci nih cun, hi sii pawl hi “a him taktak le a tthat taktak nak” alanghtertu data (cazin) kan ngei lo tiah a chim. Hi Covid-19 zawtnak a damter bak mi sii a um rih lo tiah zapi sin thawngzamhnak ah a chim. 

https://www.usatoday.com/story/news/health/2020/03/24/coronavirus-drugs-chloroqhine-remdesivir-azithromycin-kevzara/2880884001/

https://www.mayoclinic.org/diseases-conditions/coronavirus/diagnosis-treatment/drc-20479976

4. Zeiruang ah dah Italy ah mithi an tam bik ning a si?

Bialehnak: Hi COVID-19 zawtnak cu Upa lei tar deuh le, ngandamnak lei ah a chambau deuh mi hna nih faak khun in tuar. National Institute of Health nih report an tuah ning ah Italy i a thimi hna hi zatuak 85.6% cu kum 70 cung minung an si hna tiah a langhter. A thimi chung in 48% hi zawtnak dang a ngei cangmi minung an si hna tiah report nih alanghter chih. Italy ram hi zatuak 23% cu kum 65 cung an si hna i, vawleicung ah tar an tambik nak ram a si. Hihi, mi tampi nih zumhbik mi a si. Aruang cu, hi COVID-19 zawtnak cu tar le ngandam lo mi hna nih an tuar deuh mi zawtnak a si.

https://www.aljazeera.com/news/2020/03/italy-coronavirus-fatality-rate-high-200323114405536.html

5. Coronavirus zawtnak ka ngeih le ngeih lo zeitin ka theih lai?

Bialehnak: Coronavirus or Covid-19 zawtnak kan ngeih le ngeih lo zeitin dah ka theih lai tiah cun zawtnak (symtoms) hna cu na lu fak-taksa alin lai khakha 100F nak cung asi kho. Na lu zong afak lai. Kan taksa a fak lai. Kan lungmit lai. Kan sivang lai. Kan hnapchuak lai. Kan hathio leklek lai. Kan hrawm a fak lai. Kan khuh lai. Kan thawchuah apit-har lai. Kan chung hna zong akan tlik lai. Cuti cun theih khawh le hngalh khawh asi tiah WHO nih alangh ter. Cu caah hi zawtnak cu cumpit tlangrai sawhsawh Cold le Flu hna le Allergies hna he ai lo pah ngai nain ai dan tuk nak cu rianrang tuk in i chawnh khawh mi asi caah ttih tuk mi cu asi. A tu tiangah cun abiapi bik in, Taksat (fever), dang caar in khuh (dry cough), thawchuah i harh (shortness of breath) hna an si. 

Note: A tu lio cu zeibantuk zawtnak na ngeih zongah na doctor te chawn hna siloah na umnak county health department chawn hna. I ing sawhsawh hlah.

https://www.who.int/docs/default-source/inaugural-who-partners-forum/coronavirus-poster-english-srilanka.pdf?sfvrsn=289dedc3_0&fbclid=IwAR1ZChxCKiYCAUQFkC5tjoE3XTh2xBjqkd4VT9TliI7eJA-BHAWTvMGFwfs

6. Zeiruang ah dah Pe 6 hlat ah nan um lai an kan ti?

Bialehnak: Pe ruk hlat in nan um lai an kan timi aruangbik cu pakhat le pakhat i chawnh lonak ding caah asi. Coronavirus or Convid-19 akarh lonak ding (order to stop spread of the coronavirus) caah asi. Rianrang tuk in i chawnh khawh mi zawtnak tha lo tiah ka auh ttheu. Hihi pakhat le pakhat neihniam tuk in kan tthut to tik ah awl zaang tein le rianrang tuk in kan i chawnh khawh mi asi cu caah atu bantuk in pakhat le pakhat pe 6 hlat in tthu dir uh an kan ti nak a si (social distancing). (Public health) ngandam nak lei nih nangmah te lawngin um kho law atha ti asi. Midang he umtti lo ding kha nawl an chuah i cu ruangah events ngan pipi minung tampi i tonnak hmun nupi ttitnak (wedding, concerts, lente celhnak sports hna) le sianginn siseh adang rawl dawr ti bantuk in biakinn ah Pathian thangthat tti nak hna zong kham asi. A cheukhat State hna ahcun zeizong vialte khar dih cikcek asi. Hi vialte hi COVID-19 or Coronavirus akarh (spread) lonak ding caah pe ruk (6 feet) in um uh tthu dir ulaw hi zawtnak hi akarh lai lo i kan i khamh kho lai tiah CDC & WHO nih an kan ti nak cu asi. Pe 6 hlat in na um tikah, nangmah na khuh siloah na pawng um mi an khuh tik ah na sin a phan kho lai lo. Khuh lawng a si lo, hatthoio (sneeze) tik zong ah cu tthiamthiam. 

https://www.who.int/docs/default-source/inaugural-who-partners-forum/coronavirus-poster-english-srilanka.pdf?sfvrsn=289dedc3_0&fbclid=IwAR1ZChxCKiYCAUQFkC5tjoE3XTh2xBjqkd4VT9TliI7eJA-BHAWTvMGFwfs

7. U.S president nih Coronavirus zawtnak a tawlrel ning zei tin nan ruah?

Bialehnak: U.S rammi hna sinah ABC News/Washington Post nih halnak an tuah hna i tuni (Ningani) an chuami cazing ning ah zatuak in 51% nih a riantuan ning an lungtlin pi. WHO hruaitu bik zong nih U.S president Trump a riantuan ning cungtah a thangthat ngai. Zatuak 58% nih hma a laak ning a fumtuk deuh tiah an zumh. Gallup poll nih cun 60% nih an lungtling pi tiah an ti ve. Media poll a tuahmi kip nih an hmuh ning ah mi tamdeuh nih President i Coronavirus a tawlrel ning an lungtlin pi nak an langhter.

https://www.npr.org/2020/03/27/822043781/trumps-approval-hits-new-high-but-a-rally-around-the-flag-effect-is-small

https://www.politico.com/news/2020/03/27/poll-majority-approve-trump-coronavirus-response-151393

8. U.S cozah nih U.S rammi dihlak phaisa a bawmh lai ti a si? Zeitin dah a bawmh lai I, zei zat dah a bawmh hna lai? U.S Citizen lawng maw an si lai?

Bialehnak: Asi! Inn pa 2 ( House le Senate ) nih  bomh dingin lungtlin nak an ngei cang. President nih min a thut fawn cang. Bomhnak pek ning cu: Tax Return kan tuah ding zoh in a si lai. Single $75000 nak tlawm deuh a hmumi  nih $1200 hmuh a si lai. Married $150,000 nak tlawm a hmu mi nih $2,400 hmuh a si lengah kum17 tang fale pakhat ah $500 cio pek an si lai. Hi bomhnak cu April thlachungah pek ding zumh  a si. Atanglei link kan chiahmi khin zeizat ka hmuh lai ti cu zoh khawh a si.

U.S Citizen le Permanent Resident (Green Card) atlaih mi paoh nih tin ding in thawngthanh ning cu a si. 2018 lole 2019 ah Tax a file cang i, direct deposit a rak tuah mi pawl cu, an bank ah hi bawmhnak zong direct deposit tuah a si lai i, a dang cu check in kuat a si ko lai tiah zumh a si. 

Zohnak: https://www.washingtonpost.com/graphics/business/coronavirus-stimulus-check-calculator/?fbclid=IwAR1ODyBubhJkO4EAGN6GvuWWDStajQSxe94CNs9o_LikToPBg0CCAn89PTQ

9. Sushi ah franchise in le contractor in a tuan mi hna khi zeitin dah bawmhnak an hmu vel ai maw?

Bialehnak: Sushi ah Franchise   le contractor a la mi pawl caah free bak in bomhnak a um cu ka thei lo nain,  Small Business Recovery loan ( interest a tlawmmi ) phaisa cawi khawh tu cu a si. Business  bomhnak si lo in miza pi dihlak pek dingmi bomhnak tu cu a dang pawl he a khat tein kan hmuh ve ko lai . A tangah  link ka ciahmi khin phaisa cawinak kong cu fiangdeuh in zoh khawh a si. Cun credit card a si lo ah inn man pek ding a  har deuhmi kan si ahcun phaisa nan cawinak companies pawl kha chawn hna law thla 2 pek lo in an in tial piak khawh. Mah thla 2 kha free si lo in na leiba kha  hnulei ah thla 2 an hawi in thawnpiak tu khi a si. Companies tam deuh nih deferred and balloon tiah thim ding phung 2 an in pek lai. Mah tik ah Laimi tamdeuh caah cun deferred khi I  thim ah a tha ( a ruang ka tial ti lai lo ).

Link: https://www.sba.gov/?fbclid=IwAR38l3onSm-yZ7JQ3jFSLgQayv5-znwmiCDY0psY1umKOnnxXSnsvWrMptQ

10. COVID-19 zawtnak hi a dong zau lai maw?

Hi zawtnak cu 2019 December thla cenceu in Hubei peng khuapi bik Wuhan khua (China) in aa thawk i zawtnak a kong diktlir cu January 7 thla lawng in an theih fiang. A tawifiannak in chim ah cun nihin March 27, 2020 ah cun zawtnak a ngeimi tiah hmuh cang mi milu 532255 asi i ram 190 leng ah a karh cang tiah theih a si!

Nihin ni tiang ah theih khawh tawk minung 24073 an thi cang, cun dam mui a hmu mi 124332 leng an sicang tiah World Health Organization le worldometers charhchan in kan theih khawh. (Note: numbers hi suimilam pakhat dan ah aa thleng kho)

Von chimduh mi cu hi zawtnak in January 22 ah hin 580 lawng minung an thi i Febuary 29 tiang ah 2977 lawng an thi, nihin March 27 tiang ah 24073 an thi cang caah vawlei cung huap in nihin tiang dirhmun cun zawtnak vantawng in a kai (karh) ti khawh si. A tlangpi cun US, China, Italy, Spain, Germany, Iran, France ram hna hi a tlangpi cun zawtnak a tambik nak top 7 an si hna. An dirhmun zoh tik ah China ram lawng ah zawtnak a tumchuk lei an hawih, March 23 tiang ah case thar 19 lawng hna asi cang i ram dang pawk hi a kai lei an panh. 

Europe ram pawl zoh tik ah an cozah nih city le state lockdown an tuah ning hna a strict ngai ngai caah hi hnu tha 3 ah cun China lei bang a thalei ah a pang thliahmah ko lai tiah zumh asi. Cun milu tambik India le bang hna cu minung 20 lawng an thi rih nain lockdown an tuah ning thatuk. 

US zawtnak dirhmun hi top dirhmun ah a um liopi si nain cozah nih action an lak ning a nem ngai ngai in hmuh a si i 100000 leng sin ah zawtnak an hmuh i minung 1300 leng an thi cang, minung 1868 leng cu an damh khawh hna nain an daithlang ngai rih, minung an tam caah a nem deuh rih in cozah nih an ruah ca zong ah si kho men.. 

Cu caah EU le China bantuk in US ram ningpi in lochdown i a chiah lawng lawng ah May thla lawng lawng ah a zawtnak a reh lei a panh lai i June thla khin cun Normal dirhmun lei ah 85% cu a phan kho lai tiah zumh a si. 

https://www.businessinsider.com/coronavirus-usa-nationwide-lockdown-trump-2020-3

https://www.scmp.com/news/china/society/article/3074376/coronavirus-update-china-records-19-new-cases-further-slowdown

https://www.worldometers.info/coronavirus/

https://www.who.int/

Theih awk: Hi bialehnak cu ruahnak pek nak si loin, theihkauh nak caah tuah mi a si. Minute ttem in thil a thlen caah number cheukhat cu a thleng ngaingai mi zong a um kho.

Ngandamnak le Cozah lei ruahnak pek a si lailo. CCN Editor team nih Cozah thawngthanh, Ngandamnak thawngthanh mi le Media ngan zumhtlak hna nih an thanh chin mi hna kha kherhhlai nak tuah hnu ah leh mi an si. Mi tampi cu mah tein thawngpang a laak kholo mi kan um pah caah a tu bantuk in thawngpang a dik deuhmi kan theih nak dingah tuah mi a si. Zawtnak tluk in a dik lo mi thawngpang itlaih i nun ttih a nun tuk lio a si. Mah tein tha tein thawngpang a dik a rel kho mi caah cun san a tlai lailo nain, thawngpang dang relnak a harh mi caah san a tlaihnak um sual hnga maw ti ruah chan nak he tuah mi a si.

LEAVE A REPLY

Please enter your comment!
Please enter your name here