U.S ram state 23 nih Coronavirus a karhning a afum deuh nak ding ah nunnak caah a herh taktak mi business pawl lawng on ding ah nawl an chuah cang.

Ramkulh pakhat le pakhat nih a herh taktak mi an ti mi ai dang cio I Museum (thilhlun chiahnak inn), movie zohnak hna, gyms, halls le malls, le pumpak I zohkhenhnak ah ruah mi tin ttamhnak le sam ttamhmoihnak  te hna zong a herh taktak an ti mi hna ah an telh hna lo I khar ter deuh an si hna.

A herh taktak mi an ti mi hna cheukhat ah ngnadamnak lei a zohkhenh mi (health care facilities-hospitals), Sehzung, hnawmhlonhtu company, cozah zung in zulhphung a kilvengtu (law enforcement), le din ei a zuartu dawr hna an si. Restaurant cu an on khawh nain, a hmun ah ei a ngah lo. A cah in cah lawng an ngah cang hna.

Mi dang he pe 6 nak hlat in um ding, a si khawh ahcun inn in riantuan ding ti bantuk pawl hna phung zong an ser chih hna.

A herh taktak mi dawr lawng on ding ti ruangah U.S state kipah rianngei lo in mi tamtuk an um cang. Cozah sinah rianngeih lo mi bawmhnak soknak cazin a let in a kai. New York le New Jersey ramkulh ahcun, riangngei lo mi bawmnak sok mi an tam tuk caah an bawmnak sok nak website tiang in a rawk dih tiah ABC News nih a ttial.

State kip in siseh, County in si she, City in “inn ah um ding” timi nawl a chuahmi an tam pi cang. Hi nawl pawl cu zulh hrimhrim an herh. Texas county cheukhat ahcun a herhlo ah leeng ah a vaak mi cu $1000 tiang dantat khawh a si. Riantuan mi cu mah le tuannak company nih catlap pek cio dih a si.

Mah le umnak cio State le County nih an ser mi zulhphung zulh cio ding a biapit tuk lio  caan a si.

Chirchan: ABC News, CNN News, Washington Post

LEAVE A REPLY

Please enter your comment!
Please enter your name here