CNF a voi 7 nak General Conference nih Pu Zing Cung cu Chairman rian peh ding in an thim than. March 16-19 tiang Camp Victoria ah tuah mi A voi 7 nak CNF General Conference cu minung 151 an kai kho i, hi meeting ah Pu Zing Cung cu chairman rian peh ding in an thim than hi a si. Pu Salai Thla Hei cu General Secretary ah thim a si.

General Secretary Salai Thla Hei Biachim lio (Photo:CNF facebook page)

Tutan General Conference kong i CNF nih cathanh an chuah chungah AA le Kawl ralkap ikah nak ngol ding in an telh chih. AA le Kawl ralkap ikahnak hi Chinram chungah ikah ti lo ding in le, AA hna zong nih Chinram ah ralkap dirhmun in khuasak an ngol hrimhrim ding in halnak an tuah.

Chinram Paletwa ah ralruang ah harnak a tong mi le ralzam in hmun dangdang ah khua a sa mi hna caah, ramchung ramleng khuasa Chinmi hna, Chin state cozah le cozah silomi buu hna, le biaknak buu hna nih miphun rian ruatin bawmhnak tuah cio ding in an cathanh ah an langhter chih.

Theih ding: CCN nih ralruang ah hartong Paletwa kan miphun hna caah bawmhnak online in pek khawh nak kan ser mi ah bawmhnak pek khawh a si. Yangon ah Paletwa hartong mi bawmhnak buu he tha tein riantuan ti in tuah mi a si. Phaisa bawmhnak pek khawh nak: https://www.gofundme.com/f/paletwa-kan-unau-har-tawngmi-bomhnak?utm_source=facebook&utm_medium=social&utm_campaign=p_cp+share-sheet&fbclid=IwAR19S3IxEH2lbg-3ampttQml0vR5ZR7iSBK3rHecjAQyEl39ffvP0FdU89w

Tutan a voi 7 nak CNF General Conference nih hruaitu thimthar mi hna cu a tanglei ban tuk hin an si hna:

Pu Zing Cung – Chairman

Pu Thang Ning Kee – Vice Chairman 1

Dr. Salai Lian Hmung Sakhong – Vice Chairman 2

Dr. Sui Khar – Vice Chairman 3

Salai Thla Hei – General Secretary

Salai Ram Kulh Cung – Assistant General Secretary 1

Pu Htet Ni – Assistant General Secretary 2

Pu HC. Ral Hnin – Assistant General Secretary 3

Chirchan: Chin National Front- Headquarter facebook page.

LEAVE A REPLY

Please enter your comment!
Please enter your name here