Bawi Khrih ah tuanti hawi hna,

Bawi Khrih min in nan kut kan tlaih hna.

Nawlngaih le ralrin cu a sual lo, tiah ka ruah.

Covid 19 nih vawleipi cu thinphang thlalau in a kan tuah.
US rampi zong a vun den deuh chin lengmang.
US president nih emergency declare a tuah cang.
Indiana Governor zong nih Indiana state caah order thar a chuah than cang.

Bawipa fale hna, thinphang dingin um ding cu asi lo, thlcam usih,
law ralrin tein um hna usih. President le Indiana governor biachimmi chungin
CBCUSA ram chungah thawngthanh ka duhmi cu

Asi khawh ahcun, If possible

1. Biakinn ah pumh rih lo a tha, online pum a sual lo,

2. Wedding tuah rih lo a tha,

3. Khua, peng le local church programs vialte cancel a tha,

5. Khrihfabu thihloh ton sual ahcun thutpi nak ngeih loin,
ruak vui lai zan longah ah pumh a tha,

4. Laitlang lei chungkhar thihloh ton ahcun pastor le riantuantu pa 4-5 hrong in
an inn ah bulhnak put in thlacam piak a tha,

6. Laitlang lei in visa an hmuh zongah US ah an rat rih lo a tha,

7. Khrifabu ah Gospel tlawn khap rih a tha,

8. Sianginn khar asi caah tang 6 tang fa angeimi nulepa nih fale zawn ruah in vacation lak a tha,

9. Khrifabu meeting hrial awk a tha mi cu hrial rih a tha,

10. Virus pakhat ngeih ahcun chungkhar dihlak ngeih asi kha theih a tha.

11. Virus angei mi anmah tein ni 14 chung hmundang ah umter asi

12. Asi khawh ahcun leng chuah lo, rian tuan rih lo a tha,

13. Inn chungah i benh khawh chung I benh a tha,

14. Indiana cu bar le restaurant khar dingah order chuah asi cang

15. Minung 50 cung hmanh hmun khat ah umter loin, State Employee
cu mah le inn in riantuan order chuah asi cang.
Chim duhmi cu a ho mising pawng ah um hlah ti asi ko.

16. Khrifabu cio ah i zohkhenh ning kha thanh lengmang a tha.


Thawngthanh mi hi nan Khrifabu mail
group ah nan thanh than cio lai ti ka zumh

Thinphang in um awk asi lo,
Ralrin tein um awk asi deuh
Bawipa nih CBCUSA le Chin miphun thluachuah pe chin ko seh†

Bawipa cu kan teinak asi.

Thlaawr Bawihrin
General Secretary
CBCUSA

Note: Hi ca cu tlangtar bangin CBC USA General Secretary nih CBC USA ramchung le Chin mi hna sinah thanh nak a tuah mi asi. A tulio ah mikip nih buaipi dih mi zawtnak kong ah i ralrin ding tete tam deuh sin a phak khawh nak ding ah kan van thlah chin ve mi a si.

LEAVE A REPLY

Please enter your comment!
Please enter your name here