Myanmar ralkap raltuknak vanlawng nih Chinram Paletwa khua pali ah meikuan a thlak caah khuami 21 an thi I 20 leeng an I khawngdeng tiang khuami le khuami bawmchan tu phu hna nih an chim tiah Irrawaddy nih a tial.

Feb 5 hrawng khan, Chinram Paletwa hi ralhmun ah ser in Myanmar ralkap le Arakan Army hna an I doh lengmang nak a si. Cacawn nikhat ni ah khan, khua hra in milu 2000  leng cu Samee khua ah an zaam hna tiah Chin State minister a rak tuan bal mi Salai Issac Khen nih a chim tiah Irrawaddy nih a tial chap.

“Samee khua ah ngandam nak lei thilri le sibawi lei an chambau ngai I bawmh an herhnak kong kan theih” tiah Salai Issac Khen nih a facebook ah a tialnak kong zong Irrawaddy nih an langhter chap.

Ralkap lei chimnak nawl ngeitu Bridgadier General Zaw Min Tun nih “Ho te lei nih dah hi bantuk in khuami fahnak a pe hna tic him a har, raldohnak vanlawng in ral kan kah hna tikah kan I ralring khun I kan ral umnak hmun lawng kan kah hna” tiah Irrawaddy sinah a chim.

Chinram Paletwa khuami an zawtfah tik ah Kaladan tiva lei in Rakhine lei ah izohkhenh ah an kal tawn. Sinain, February thla thok in AA le ralkap ngol lo in I kah nak ruangah lam a har deuh mi Chin State khuapi lei deuh ah an kal hna tiah Irrawaddy nih a tial.

CCN Award 2019” zong Paletwa ralzam zohkhenhnak ah pumpek riantuan mi Salai Kyaw Aung rak pek a si.

LEAVE A REPLY

Please enter your comment!
Please enter your name here