Zeidah acang kho

Hi zawnak tha lo COVID-19 cu US ram ah akarh deuhdeuh in hmuh an si. US Ram ah hin mahtluk hin an zaw i an thi cang.
  • Total cases: 938
  • Total deaths: 29
  • Jurisdictions nih theihter nak an tuah mi zawtnak (US Ram states 38 ah an hmuh cang.
    Atu nak hin akarh deuh vima rih lai. Cu caah US ram ah hin akarh bik pawl ah acang lai. Cu asi caah Sianginn tampi an khar cang mi aum i an khar rih lai mi zong aum. Abuu buu in tthut to tti nak paoh an khar lai. Cun hngakchia zohkhanh nak Childcare centers te hna an khar lai i nu le pa rianttuan thiam loin an um ahau lai. Rianttuan nak company tampi ah rianttuan tu an bau len lai. Rian zong an i din len lai. Mi tam deuh nak paohpaoh an khar lai cu tik ah thutdir nak caah har nak achuak sual lai ti hi an phan bik mi cu asi. Cu bantuk in Public School sianginn siseh Private sianginn hna zong an khar chuahmah lai. Umkal nak Bus te hna zong an kal ti lai lo. Nursing home hna zong an khar cangmi atampi i tampi an khar rih lai. Cucu apoi bik mi asi ti asi. Acheu Biakinn hna zong an khar len cang. Zapi umkal nak hmunhma paohpaoh an khar ciahmah lai. Publice office hna zong an khar lai. Airport zong an khar lai tiah zumh asi. Event tampi hna zong an cancel dih cang i Baseket ball game celhnak te hna zong an cancel dih cang i hlasak thiam minthang hna an Concert tuah dingmi hna zong an cancel hna. Hitluk in ralrin nak aum ko bu zongah hin zawtnak tha lo COVIC-19 cu akarh lai i si inn Hospital rianttuan tu hna nih harsa tuk in an zohkhanh hna lai.

Cu hnu ah an mah Nurse lila zong an i chawnh rih lai. hi zawtnak tha lo COVID-19 nih US minung tam tampi an nunnak alak khawh hna i mi tam ial zawtnak an ngei kho atu lio bantuk in a kal ko asi ahcun tiah CDC COVID-19 thawngthanh tu sinin kan theih. Hi zawtnak tha lo damhnak ding caah zeibantuk si (medications) hmanh an siam kho rih lo i, i chawnh khawh lonak si khamnak (Vaccine) zong an siam rih lo. Cu ruangah kan i ralrin cio ahau.

Atha bik in ralrin nak cu mi zapi umkal nak ah kal lo le um lo i zaum. Nangmah pumpak thianghlim tein um – Na sianginn kai lo ding an in ti ahcun Library hna ah kal duh hlah. Gym te hna zongah kal lo ah atha. Rian kan ttuannak hmunhma zongah ralrin ahau. Rian ttuan dinh awk athat ahcun i din chunglaw atha. Cu bantuk tthiamtthiam in acheu khat company cu an ttuan tu hna nih an kal tak len cang i cu rian alawngmi kha heh tiah minung an herh lai. Lahkhah-ni hlawh zong tampi an in kamh men lai cucu i ralrin bik ah atha fawn.

Ref:CDC

LEAVE A REPLY

Please enter your comment!
Please enter your name here