CCN Channel nih 2019 Chinmi chungah an mah le an pahrang cio in miphun a cawisangtu le mipi nih uar mi mintar cio ding in thawngthanh nak kan tuah. Mipi nih min tampi tar ciomi chung in tambik mintar mi phanih cu zapi sinah kan van langhter. Mintar tambik mi pahnih Dr. Sasa le Esther Dawt Chin Sung cu mipi nih thim than a si i Dr. Sasa nih CCN People’s Choice Award cu a co.

Dr. Sasa cu Health and Hope (www.healthandhope.org) a dirh i Chinram ah ngandamnak lei rian a tuan. Sii leiin thlopbul nak siseh, sii lei training peknak le ngandam nak lei ah theihkauhnak kan ngeih deuh nak hnga a lamkip in rian a tuan. Chinmi ngandam nak lei kongah luhlinh in biatak thlak in rian atuan mi a si. Lailenpi Airport zong a mah hruainak in tuanchuah mi a si. Tukum chungah on ding in timhlamh nak an ngei. A pahrang hi kan miphun caah a hman dih cikcek i kan miphun nih alamkip in kan i hlawkpi.

CCN People’s Choice Award a ngah nak ah kan lawmhpi.

Esther zong vote tampi a ngah. Myanmar Idol ah teinak a ngah nak thawngin Chinmi min a cawisan.

Congratulations Dr. Sasa.

CCN Awards peknak cu January 25, 2020 ah tuah a si lai. CCN Facebook page in Live kan thlah te lai.

LEAVE A REPLY

Please enter your comment!
Please enter your name here