Tukum CCN Awards peknak ah “Organization of the year” award pek ding in chap a si lai. Zei bantuk buu dah pek an si lai. A tang lei hi mintar mi hna an si.

  1. Chin Youth Organization of North America: CYONA cu North America um Chin mino i funtomnak buu nganbik a si. Kumhnih ah voikhat Conference an tuah i Mino nih i ngeihbik mi itonnak a si. 2019 ah Conference an tuah i Khuallian ah Dr. Anna Sui Hluan le Paling nih an telpi hna. Mino alamkip in thancho nak dingah rian atuan mi an si. Facebook: “Chin Youth Organization of North America”
  2. All Chin Society- Yangon : ACSY cu Yangon ah hrambunh in Chinmi caah a lamkip in rian atuan mi bu a si. Chinmi phun kan tlin biknak bu pakhat a si. Yangon ummi lawng siloin, Chinmi dihlak kan ifuntom khawh nak ding hmalak in rian atuan mi bu an si. Facebook : All Chin Society-YGN
  3. Chin Community of Indiana : CCI cu Indianapolis ah hrambunh in Indianapolis le apawng kam khuasa Chinmi dihlak hmunkhat te ah riantuan tinak bu a si. Chinmi nih kan herhmi paohpaoh ah hmaisuang in riantuan mi bu a si. Facebook: Chin Community of Indiana

Mah hna pathum hi mintar mi an si i, CCN Awards peknak mithim tu hna nih a hodah an thim i a ho dah laksawng an pek te lai?

CCN Awards peknak cu January 25, 2020 ah a si lai. CCN Facebook page ah Live in zoh khawh a si te lai.

LEAVE A REPLY

Please enter your comment!
Please enter your name here