Sound – Light siloah “S-Light” tiah auah mi __ thawngpang (noise) hmangin mei tha a chuah khomi cu Philippines siang-sang run (high school) siang-ngakchia pawl nih an ser tiah Maila Bulletin nih a tial.

Thawngpang nih Speaker a thil pakhat (diaphragm) a hei tongh tikah cucu a cawl i, cu nih cun meitha a chuahter i, cu meitha cu meitha khonnak (power bank) ah thaa zaang cu a khon i, cu nih cun mei a ceuter.

Siangsang run siang-ngakchia Kirsten Dianne Delmo, Nico Andrei Serrato, Joecile Faith Monana, Frelean Faith Engallado le Raphael Francis Dequilla hna nih mah an sermi thil hmangin Malaysia ah tuahmi Young Invetors Challenge 2019 timi zuamnak ah Silver Award (laksong) an hmuh.

Tubantuk in thawngpang (noise) hi mei-thaa ah thlen timi ruahnak cu a thar cu asi lem lo, nain mah bantuk taktak hi an chuah rih lo tiah anmah a sertu siang-ngakchia pu nih an chim.

Mah sermi cu thil te cu $4 lawng asi caah, khua te lei in siang-ngakchia caah a tha hnemtuk lai tiah ruah asi.

Mah an sermi seh te hi thawngpang a tamnak hmun, vanlawng tual hrawng hna ah chiah ah cun 5 Watt LED mei cu zaan khuadei a van khawh lai ti asi.

Mah seh hi a ngan deuh piin ser ah cun mibu pakhat cu tha tein mei a pek khawh hna lai tiah zumh asi.

LEAVE A REPLY

Please enter your comment!
Please enter your name here