Chin Ramkulh khualipi Hakha ah Hotel paruk sak ding asi __ cu chungah Three Star Hotel pali asi lai, cun tulio ah dat-hlei (escalator/lift) aa telmi hotel pahnih an sak cuahmah lio asi tiah Chin World Media nih a tial.

“Dat-hlei (lift) aa telmi hotel cu Kantkaw lam ah pakhat, cun Lansung ah dot-li pakhat, tiin tulio ah pahnih an sak cuahmah. Cun a hnu ah pali sak rih ding a um caah a zaa tein paruk asi lai tinak asi. Three Star hotel pali sak dingah atu hi hmuhma zuahmi a um  ko, a ceih zong kan i ceih dih cang. Tu ruah ti ko hnu November hrawng cun Hotel sak kan thok khawh cang men lai” tiah Sipin vuanci U Soe Httet nih Chin World Media sin ah a chim.  

Hotel saknak tangka thazaang hi an i lo cio lo i, hotel pakhat saknak ah MMK million 25 in 40 hrawng a dih lai tiah U Soe Htet nih a chim chap.

Cun, “Khuapi dang Falam, Kanpetlet, le Mindat zongah kan sak lai. Kanpetlet le Mindat ahcun kna sak cang. Nain, kan sak lai ti tikah hin vawlei kong buaibainak a um lengmang, inntek mipi pawl he ceih a hau rih” tiah U Soe Htet nih Chin World Media sin ah a chim chap.

Hotel satu ding Kampani pawl cu King Solomon, KL Amazing, Chanta Shwe May le Aung Kanta hna an si i, Haka College, Kauh-kun, Cawbuk le Hakha Sangthar samhmi ah an sak lai tiah Chin World Media nih a tial.

__ Source: Chin World Media

LEAVE A REPLY

Please enter your comment!
Please enter your name here