A voi hnihnak Hakha khuasa Zophei Tefa hna chungin tuanvo ngeitu Zophei Youth Organization (ZYO) nih tawl relmi lente celhnak puai cu tluang tein an dih __ cun Hriphi nih bawlung champion an lak tiah thawng kan don.

Hripi nih a voikhatnak 2018 lio zongah pumpalulh champion an rak lak cang caah tukum hi a voi hnihnak an lak asi.

Tuni 10 October ah Hriphi le Aibur cu Vunthumuang Tual ah pumpalulh final an i cil i, Hriphi nih 5-4 in an tei hna caah 2019 Zophei champion sil pi cu Hriphi nih, a voihnihnak an i thlir hi asi.

Champion latu Hripi FC (Credit: ZYO FB)

Volleyball pa (man) champion cu Hlamphei nih an lak i, a pahnihnak cu Lawngtlang nih an lak __ nu volleyball champion cu Leitak nih an lak i pahnihnak cu Lawngtlang nih an lak ve.

Tutan a voi hnihnak ZYO Lentecelh puai hi, ni kum 2018 lio nak in a lumsa deuh i, a nuam deuh cun pumpalulh a chuihmi zong an thiam deuh ngaingai tiah a zohtu mipi pawl nih an chim.

LEAVE A REPLY

Please enter your comment!
Please enter your name here