Netherlands ram ah kum kua chung, caan dongh hngah in inn-khan-thup (secret room) ah caan a hmangmi pawl cu palik nih an hmuh hna tiah BBC sin in thawng kan don.

Kum 58 pa le a dang kum 18 in 25 karlak mino paruk hna cu Drenthe ramthen (province) ah a ummi dum pakhat i inn khaan pakhat chungah kum kua chung mi sin ah lang loin caan dongh an hngak.

Mino lak upa bik pa cu an umnak inn-khan-thup um a zuam ti lo caah, lengah a chuak i Ruinerwold khua zu dawr pakhat ah beer aa cah nak in tubantuk in a tangmi a dang pawl zong an hmuh hna nak asi.

Cu pa cu “A sam sau, a kha le hmur hmul pawl hi an thur ngai, cun a thilri pawl hi an thing tuk cang, cun a umtu khi aa lak-lawhmi phun a lo. Cun, mah pa nih cun kum kua chung ka sam kaa met ti lo, cun sianginn zong ka kai bal lo tiah a ti” tiah dawr ngeitu Chris Westerbeek nih a chim.

Kum 58 pa cu palik nih an tlaih cang __ a dang pawl tubantuk in an um hi anmah lungtho tein asi le si lo theih asi rih lo.

LEAVE A REPLY

Please enter your comment!
Please enter your name here