Kawlram, Chin ramkulh le India ram pehtlaihnak caah a biapi bik in hmanmi lam Kalaymyo le Rih Khua Dar lei kalnak lam Man Sawng (Manipur) tiva tannak hlei cu kum hnih chungah a dihnak in an sak lai tiah Chin World Media sin in thawng kan theih.

Tulio ah an hmanmi hlei nih cun 16 ton lawng a derh, nain ting 4800 MMK dih in hlei a thar an sak dih hnu cun ton 60 tiang a derh (tuar) khawh lai tiah theih asi.

Hleithar sak ding kong he pehtlai in, “Mah Man Sawng hlei thar saknak ah hin kum hnih poh cu kan rau lai, a ruang cu tuhi Vaar hlei zong kan tuah liopi asi. Mah Vaar hlei zong hi kum hnih cu kan rau ve lai” tiah Lamsul lei vuanci Pu Sui Thio nih Chin World sin ah a chim.

Cun “Mah hlei sak rian hi, rian kan thok cang. Mah saknak dingah tangka ting 4600 MMK tluk kan timhtuah cang. Mah hlei hi pe 557 a sau lai” tiah Pu Sui Thio nih a chim.

India le Kawlram pehtlaihnak lam Kalay-Rih lam hi, nikhat ah a tlawm bik mawtaw 30 in 50 tluk nih an zulhmi lam asi tiah Chin World Media nih a langhter chap.

LEAVE A REPLY

Please enter your comment!
Please enter your name here