Chin ramkulh, Mindat khua chungah a ummi Kampani pakhat nih rian tuan man ting 30 leng a pek duh hna lo caah Mindat CSO cheu khat nih an bawmh hna tiah Chin World nih a tial.

“Tangka pek lomi minung 24 hna cu kan si khawh chungin kan bawmh hna. Tangka an ngahthan khawhnak dingah Hluttaw minung pahnih sinah bawmh kan hal. Zeitindah a kan bawmh lai ti cu kan hngal rih lo. Tangka a pe lotu kampani min cu ka chim duh rih lo. Buaibainak um lo in tlamtling tein tawlrel seh ti kan duh, tangka hi ngahthan hna seh ti kan duh” tiah CSO phu khat in Salai Mang Om nih Chin World sin ah a chim.

Cu lawng si loin, Mindat-Matupi lam Tender aa tlaihmi Kampani pakhat zong nih tu bantuk in tangka a kan pe duh lo tiah rian tuantu pawl sin in theih asi.

Chin ramkulh chungah NLD cozah a kai hnu in kampani 900 leng a um tiah Myanmar Times nih a langhtermi cu Chin World sin in kan theih.

LEAVE A REPLY

Please enter your comment!
Please enter your name here