Ethiopia vuanci-cho Abiy Ahmed Ali nih 2019 caah Noble Deihnak laksong pi cu a co tiah VOA Burmese sin in kan theih.

Noble laksawng a petu Norwegian Nobel Committee Chairman nih, mah Abyiy Ahmed Ali kan peknak a ruang cu, anmah ram innpa simi Eritrea ram deihnak caah aa zuamnak ruangah kan pekmi asi tiah a chim.

Abiy Ahmed Ali nih hin Eritrea ram he an i ritnak ramri hawngah a cangmi buaibianak vialte cu amah Vuanci-choh thutdan a thut in thla zeimaw zat ah a deihter dih khawh.

Cu lengah Vuanci-choh a tuan in ni 100 chungah, an ram chungah lak-hruak in nawl chuahmi cu a hrawh, ramkhel thongtla pawl a chuah hna, thawngzamh ca pawl rikhiah piaknak (censor) pawl a hrawh hna, cun phung ning tein minkhumh duh lomi phu pawl zong phung ning tein min a khumh dih hna.

Cun ei-hmaurnak a ngeimi ralkap siseh, cozah riantuan pawl sin hna seh an rian in a phuah hna, cun Ethopia ram chung ah nu pawl nih an thil ti khawhnak tha tein an langhter khawh tiang a tuah khawh ti asi rih.

Mah Noble min thatnak pekmi pawl caah laksong laknak cu a ra laimi December 10 ah Norway ram, Oslo khuapi ah hlunghlai ngaiin an tuah te le.

Ethiopia Vuancichoh nih Noble Deihnak laksong a hmuh caah, $ 90000 tluk man he aa khatmi laksong a hmuh lai tinak asi.  

LEAVE A REPLY

Please enter your comment!
Please enter your name here