President Trump cu dantat dingah Democratic Party lei in President aa cuh dingmi Joe Biden nih a voikhat nak mipi theih in a vun chim tiah VOA Burmese nih a tial.

Joe Biden nih, “Donald Trump nih hin President rian caah bia aa rak kammi a buar, kan rampi cu a leirawi, dantat khawh ding thil a tuah” tiah New Hampshire ramkulh ah nizan Nithum ni ah khan a chim.

Cu ti Joe nih a chimmi cu President Donald Trump nih, Twitter in a hun leh colh ve, “A fapa Hunter he American ngunkhuai cu an hrawh dih i, a tlawm bik ram hnih sin in Dollar million tampi a firtu Sleepy Joe Biden ka zoh hna ah hin zaangfak an si. Keimah tu cu dantat dingah an chim, keimah nih zeihmanh a si lomi ka tuah lo. Joe nih vote a kawl nak ah, hlawh a tling lo, zeihmanh tuah hlei awk zong a ngei lo” tiah a tial,
 Ram hnih sin in dollar million tampi a fir timi kong belte tu cu Trump nih zeihmanh fiang tein a fianh hlei lo.

Cu lio ah Inn Rangpi nih cun  phunghram he aa tlak lo ningin President Trump dantat dingah dot-hlatnak tuah liomi thil cungah  kan telpi hna lai lo tiah an chim.

Trump dantat dingah chuah pimi cu Lower House (democratic nih an tlaihmi) nih a fehter ahcun, Upper House (Republican nih an tlaihmi) sin ah lenhter asi te lai. Upper house ah zohfel asi lai caah, Trump nih aa chiahmi hna nih hrawh dingah caan tha an ngei te lai tinak asi.

LEAVE A REPLY

Please enter your comment!
Please enter your name here