Lithium-ionĀ  Battery a sertu Scientist pathum hna cu 2019 Chemical Noble Prize pek dingah an thim hna tiah VOA Burmese nih a tial.

American thiamsang John B. Goodenough, British thiamsang M. Stanley Whittingha le Japan thiamsang Akira Yoshino hna cu Noble laksong pek dingah Royal Swedish Academy nih bia an chah cang.

Lithium-ion Battery timi cu a zaang te i fawi tein a thaa rawnthan (recharge) khawhmi asi__ mah battery pawl hi phone, computer, le letik thaa inn mawnghmi mawtaw pawl ah hmanmi an si.

Mah battery pawl chungah hin ni le thli chungin thazaang chiah an si caah, thli a thurter tu dat-si pawl hman hau lo ding tiang a chuahter khawh.

Mah Lithium battery pawl hi 1991 thok in zuar a rak si cang, cu thok in tutiang ah minung khuasak tintuknak chungah thlennak tampi a chuahter caah minung caah that-hnemnak tampi a pemi asi tiah Noble Laksong petu nih an thanh-ca ah an langhter.

Mah Chemical lei Nobel laksong hi $ 750,000 a hrawng asi caah, cucu minung pathum nih an i then lai.

LEAVE A REPLY

Please enter your comment!
Please enter your name here