Chin ramkulh le Sagaing ramthen karlak ramri zohfel tu dingah dirhmi phu nih an rian tuannak kong fianter dingah meeting tuah an timh i, meeting ah cun CSO (Civil Society Organization) phu thum an sawm hna, cu lak ah Chin CSO pakhat lawng an i tiah Chin World Media nih a chim.  

 “CSO an sawmmi hna phu thum an si, cu chungah Chin CSO pakhat an i tel. Pati pawl an sawmmi hna tu cu an tling ngai ko. Nain Chin mino phu pawl le Chin phu dangdang an sawm hna lo. Mah zawn te ahcun ka lung tha lo. Chin ramkulh le Sagaing ramthen ramri hi tuanbia ah a um ning tein tuah dingah a rak chimtu hi mino kan si, cucu cozah nih dengteo tein an tawlrel. Nain, tu ah kanmah a kan sawm lo. Zeiruangah dah a kan sawm lo timi hi ka thei lo nain, thil pakhat a um. Nikum ah khan ramri kongah chuah-ca (statement) pakhat kan rak chuah. Mah chuah-ca ruangah Kalay Myone GAD bawipa a thin rak hungtuk tiah kan theih” tiah Zomi Students and Youth lei in Kim Tuang nih a chim.

Chiin ramkulh le Sagaing ramthen karlak ramri cu tuanbia ah a rak ummi ning tein, ramri theihnak tung pawl cu bunh dingah, tuanvo latu phu nih an tlamtlinh cangmi le an cawlcanghnak kong fianhternak puai cu hmun pali ah an tuah lai tiah theih asi.

Mah ramri kong cawlcanghnak fianternak puai ah sawmmi hna cu Chin Dwin Network, Chin Literature/Culture Organization le Khuapi Mino Thanchonak phu le Kalaymyo chung ummi ramkhel pati 9 hna an si taih theih asi.

Cu fianternak puai cu Kalay Myo, Town Hall ah October 8, chun 2:00pm ah an tuah lai tiah Chin World Meida nih a tial.

LEAVE A REPLY

Please enter your comment!
Please enter your name here