American ram, New York khuapi ah a voi 74nak UN Meeting pi ah Malaysia Prime Minister Mahathir Bin Mohamad nih, Rohingya pawl harnak tawlrel dingah ramkip sin ah nawlnak a tuah tiah VOA Burmese nih a tial.

“Chungtuan (Mr. Chair), Rohingya pawl harnak hi Kawlram cozah nih tawlrel a duh lo timi hi a faing tukmi a si ko. Cu ruangah ramkip nih tawlrel pi dingah kan nawl ko hna” tiah Prime Minister Mahathir Bin Mohamad nih a chim.

Cun, Roghingya pawl harnak kong a tawlrel duh lo caah ICC (international crime court) ah tiza cuai ding tiang in Prime Minister Mahathir Bin Mohamad nih a chim.

Malaysia nih cun Rohingya hi kan si khawh chungin kan bawmh ko hna lai, cun ramdang zong nih kan bawm cio uh tiah Mahathir Bin Mohamad nih a chim chap.

Cu lio ah, Myanmar, Bangladesh le Tuluk cu UN Meeting dih in an i tong hna i, Rohingya pawl an kirthan ding kong kan i ceih tiah UN ah Myanmar aih-awhtu Ambassador U Hau Do Suan nih a chim.

LEAVE A REPLY

Please enter your comment!
Please enter your name here