Karen National Union (KNU) army soldiers march in a procession to kick off celebrations commemorating the 63rd anniversary of Karen Revolution Day at Oo Kray Kee Township in the Karen State, along the Thai-Myanmar border, January 31, 2012 . The ceremony took place weeks after a cease-fire agreement between the KNU and Burmese government was signed, ending the 62-year conflict which was one of the world's longest-running insurgencies. REUTERS/Sukree Sukplang (MYANMAR - Tags: POLITICS CIVIL UNREST)

Nay Pyi daw ah ralhrang bom puah si loin, dihnak a feh ding tu ah kan i zuam ko lai tiah KIU Chairman nih a chim tiah DVB nih a tial.

Kan hnu thla hrawng ah khan, chaklei hriamtlai phu komh, KNU le CNF fonh in Nay Pi Daw cu ralhrang bom puah dingah ni an khiah cang timi thawng a chuah ruangah KNU lei in tu bantuk in an chim hi asi.

“Ka chim duhmi cu le ka chim khawhmi cu KNU nih timhtuahnak kan ngei lo. Cun mah bantuk lungput zong kan ngei lo. Phunglam zong kan ngei lo. Deihnak a feh ding lawng hi kan i zuam ding asi ko” tiah KNU Chairman nih a chim.

Kawlram president zung in humhimnak lei tuanvo latu zung nih Nay Pi Daw council sin ah September 16 ni thla he ca an kuatmi cu Online ah a rak vak.

Cu ca chungah August 30 ah CNF, KNU le chaklei hriamtlai phu komh pawl minung 20 hrawng meeting an tuah, mah meeting ningah September 16 siloah 26 le October 16 siloah 26 ah Nay Pi Daw cu bom puah dingin biachahnak an tuah tiah an langhter.

Nain KNU chairman nih cun, mah an langhtermi ni thla zongah meeting zong kan tuah lo, cun Chaklei hriamtlai phu komh pawl le kanmah KNU cu hmun khat ah meeting tuah-ti ding timi cu a cang khomi asi lo tiah a chim chap.

Mah kong he pehtlai in Yangon, Mandalay le Nay Pi Daw ah tu chung hrawng ralhrang bom puahnak a cang khawh men caah humhimnak fak deuh in tuanvo lak dingah USA tanzung nih thanhca pakhat an chuah ve.

Cun Yangon ummi US Tazung official website zong nih September 26, October 16 le 26 ah ralhrang cawlcanghnak a um kho tiah Kawlram humhimnak Palik dot-hlatnak hrambunh nih ralrinnak ca an tar.

Tu bantuk in ralhrang cawlcanghnak a cang kho men tiah thawng a chuak ko nain, humhimnak cu fak deuh in tuanvo laknak kan tuah lo tiah Palik bawi Myo Thu Soe nih a chim.

Nain Myanmar Institute in Managing Director Dr. Min Zaw Oo nih cun, tu bantuk in ralhrang cawngcanghnak kawlram ah a cang kho timi ralrin peknak a chuah lengmang caah humhimnak tuanvo ngeitu pawl nih fak deuh in tuanvo an lak ding asi tiah a chim ve.

LEAVE A REPLY

Please enter your comment!
Please enter your name here