Chin ramkulh, Kanpetlet pengah namte sau aa kenmi cu dantat ding timi upadi cu, anmah inntek mipi a tam deuh pawl an lung tling ko tiah Chin World Media nih a tial.

“Kan hnu zarh ah khan, sipin le GAD  nih hriamnam putnak he pehtlaiin fim chimhnak poster tarnak puai an rak tuah. Inn tekmi a tam deuh nih cun hriamnam tlaih tikah sikaan ngeih deuhnak asi an ti i, an lung a tling, nain micheu nih cun kan nunphung asi an ti ve” tiah Kanpetlet CSOs hruaitu U Ma Na Shing nih a chim.

Kanpetlet ah nam chunh le meithal kah in thah nawnnak a tam caah, an nunphung simi namte sau, li le thaal pawl upadi ningin dantat dingah timh tuah asi cang tiah theih asi.

 “Ni khum ah nam chunhnak hi voi 8 a cang. Cun kumkhat ah hin voi hnih poh cu meithal kah hi a cang. Hi kong hi kum nga chung hrawng dot-hlatnak tuah hnu ah Sipin le District Zung lei in an khammi asi” tiah Ma Na Shing nih a chim chap.

Kanpetlet khuapi chungah thlakhat chungin fim chimhnak caan ah zuah an si lai, mah hnu cun nam te le hriam nam pawl si khan ngei loin aa putmi pawl cu dantat an si cang lai.

Mindat zongah tu bantuk in hriamnam sikan ngei loin aa kenmi pawl cu uapdi ning in dantat dingah tukum January thal khan tuan chuah arak si cang.

LEAVE A REPLY

Please enter your comment!
Please enter your name here