Bangladesh ram ah a zammi Rohingya le a rak zohkhenhtu pawl le Kawlram ah aa dormi har tongmi Rohingya pawl le mah harnak nih a hnorsuanmi hna pawl hna caah US $ 127 million bawmh ding asi tiah VOA Burmese nih a tial.

Tutan bawmhnak hi Rohingya pawl le, Kawl Ralkap le AA ruangah har tongmi pawl caah nun khamhnak bawmhnak ca zongah aa tel tiah American ramdang vuanci Morgan Ortagus nih thanh-ca a chuah.

Rohingya nu le ngakchia telh in 900000 tluk hrawng har tongmi hna le, anmah pawl a cohlangtu hna Bangladesh mipi pawl caah lak hruak in a herhmi pawl cu kan tuahpiak hna lai tiah thanh-ca nih a langhter.  

2017 Rohingya nih har an tong sin in, tutaing ah American nih a bawmhmi hna hi US$ 669 million leng a phan cang i, a bawmh tam bik ram a si.

Rohingya pawl cu humhim tein le anmah duhnak tein le mit-hmai ngei tein an umnak kirthan khawh dingah telrel piak dingin American nih Kawlram cozah cu thanh-ca hmangin a forhfial.

LEAVE A REPLY

Please enter your comment!
Please enter your name here