A ra laimi 2020 thimnak ah me petu ding milu hi 2015 lio nak in milu 60000 leng an tam deuh lai tiah Election Commission ah tuanvo ngeitu U Lin Kyaw nih a chim tiah Chin World Media nih a tial.

“Cazin ningin 2015 lio nak in 2020 ah vote pe kho ding milu hi 60000 hrawngin an tam deuh. College le University pawl zong cazin kan lak hna. Cun khat lei Myone lei zongah cazin an lak. Hakha zong aa tel. Tutiang cazin lakmi hi 540000 a phan cang. Cu chungah kum 18 cung he tang he an i tel. Kum 18 tling rih lomi cu 2020 December ah a tling ding an si ahcun, cucu computer in kan chiah hna” tiah a chim.

Cun, “Kanmah Commission hi Ramkulh le Ramthen dang he kan i lawh lonak cu, College hna ah kan kal i, ziah vote pek a huah, Democracy timi cu zeidah asi, vote cu zeitindah kan pek lai, timi pawl hmuhsaknak he kan cawnpiak hna. Kan chimhmi hna zong, a tak in an tuah. December ahcun GTI le CCU hna ah kan va kal lai i, kan tuah rih lai” tiah a chim chap.

Kum 18 a rak tling chom ding pawl hi ting thum le sawmli hrawng an um lai, anmah pawl caah timhtuahnak kan ngei cang, chungkhar cazin a ngei rih lomi an si zongah cikkhat ca cazin kan tuahpiak hna lai, cucu Immigraiton Office lei nih an tawlrel lai tiah U Lin Kyaw nih Chin World Media sin ah a chim.

LEAVE A REPLY

Please enter your comment!
Please enter your name here