Mipi caah a tha hnem ding fim cawnnak caah Kawlram president nih September 17 ah khan World Bank sin ah tangka a cawi dingah Hluttaw ah a chuahpi, cu timhtuahnak chungah Chin ramkulh in Myone pali an i tel ve tiah Chin World Media nih a tial.

Aa telmi hna cu Kanpetlet, Paletwa, Mindat le Thantlang peng hna an si i, tangka cawimi ngah hnu lawngah zeitindah tangka then asi lai timi cu zohfel asi than te lai.

Mi zapi caah a tha hnem ding, fim cawnnak timh tuahnak caah World Bank tang ummi IDA sin in US $ 1000 million cawi dingin Kawlram Fim Cawnnak zung (Ministry of Education) in Pithaungsu Vuanci Dr. Myo Thein Kyi le Finance and Planning zung lei in Duh-vuanci U Khin Maung Win nih Pithaungsu Hluttaw sin ah president ai-awh in an rak chuahpi.

Mah timhtuahnak tangah ram pumpi huap in Myone 115, Sianginn 15000 le siang-ngakchia 3 million leng a tha hnem lai tiah theih asi.

Cu timhtuahnak caah tangka cawi ding cu Pithaungsu Hluttaw nih a fehter ahcun, tangak cawinak minthut an thut dih hnu in kum li chungah an tuan chuah lai tiah theih asi.

LEAVE A REPLY

Please enter your comment!
Please enter your name here