Tlangcung Miphun Media Phu (တုိင္းရင္းမီဒီယာညီလာခံ) tonnak cu Kachin Ramkulh Myit Kyi Na ah ni thum chung an rak tuah i, za len tein thawng lak khawhnak dingah upadi ser piak dingin nawlnak an tuah tiah Chin World Media nih a tial.

Nawlnak an tuahmi hna cu: 2020 thimnak ah rikhiah piakmi um loin zalen tein thawng lak khawh dingah, media upadi, IT upadi pawl cu tlangcungmi holh in lehpiak in chuahpiak ding, media bawmtu phu pawl zong nih thiamnak lei le tangka lei in pehzulh in media phu pawl cu bamwhnak pek ding, cozah zong nih thanchonak policy pawl a ser tikah mipi le media nih theih fiang dingin fiang tein chiah ding, Federal ramkomh sernak he aa pehtlaimi phu pawl nih media phung an tuah tikah dik tein an tuah ding timi pawl an si.

Nithum rau in tonnak an tuahmi chungah an i ceihmi pawl hna cu: Media zalennak, Zalen tein chimrel letial khawhnak (Freedom of expression), Journalist pawl zalennak, Tlangcungmi media pawl caan saupi a nun khawhnak ding, Kachim ramkulh chung buaibainak kong, thanchonak caah timhtuahnak, pawngkam kong le upadi ning tein tuahnak (justice) kong, le Democracy le Media dirhmun timi pawl an si.  

Tutan a voi 7nak tuahmi tlang cungmi media phu tonnak ah, Kachim ramkulh Vuanci Choh, GAD rian taunt pawl, Ministry of Information & Public Relation rian taunt, BNI rian taunt, Myanmar Media Council, Ramkhel Pati (Political Parties), Miphun hoih in nunphung phu pawl, CBO/CSOs pawl, Biaknak lei hruaitu pawl, IDP (Internally Displaced Persons) upa pawl, Ram chung thawngzamh phu pawl le Media network pawl zong an i tel khawh lengah, Media bawmtu (donor) phu pawl le Tanzung (embassy) pawl zong an ra i minung 200 leng an si tiah theih asi.  

LEAVE A REPLY

Please enter your comment!
Please enter your name here