Kawlram, Shan Ramkulh ni chuah lei Tuluk ramri lei ummi Mongla ah Tuluk holh cu sianginn ah an chimh hna tiah RFA sin in kan theih.

Tubantuk in Tuluk holh cawn dingah ramkulh nawlngeitu nih nawl an awnhnak a ruang cu Tuluk nih bawmhnak tampi a pek caah asi tiah theih asi.

Mah Mangla timi hi mah tein aa ukmi(autonomous) an i, sianginn ah hin Myanmar Subject lawng hi Myanmar in an cawn i a dang Tinchia (maths) tibantuk cu Tuluk in an cawn tiah theih asi.

Anmah Mongla inntek mipi a tam u hrim nih hin Kawl holh nak in Tuluk holh cawn an duh deuh, a ruang cu sianginn an dih in Tuluk ram ah rian tuah ding ruahchannak raungah asi.

“A dik ko. Kaa minung pawl nih hin Kawl holh an thiam lo. Tuluk holh tuhi an thiammi asi. Tang khat in tang thum tiang cu kawl chuahmi ukpi (text) kan hman ko. Nain mah a cung lei poh cu Tuluk holh in lehpiak an hau cang” tiah Siang Cachim Hweh Pan nih a chim.

LEAVE A REPLY

Please enter your comment!
Please enter your name here